منظور ہے گزارشِ احوال واقعی
Posted on June 5, 2012 By Adeel Webmaster مرزا غالب
Mirza Ghalib
منظور ہے گزارشِ احوال واقعی
اپنا بیانِ حسن طبیعت نہیں مجھے
سو پشت سے ہے پیشہ آبا سپہ گری
کچھ شاعری ذریعہ عزت نہیں مجھے
آزاد رو ہوں اور مرا مسلک ہے صلح کل
ہر گز کبھی کسی سے عداوت نہیں مجھے
مقطع میں آ پڑی ہے سخن گسترانہ بات
مقصود اس سے قطع محبت نہیں مجھے
روئے سخن کسی کی طرف ہو تو رد سیاہ
سودا نہیں جنوں نہیں وحشت نہیں مجھے
قسمت بری سہی پہ طبیعت بری نہیں
ہے شکر کی جگہ کہ شکایت نہیں مجھے
صادق ہوں اپنے قول میں غالب خدا گواہ
کہتا ہوں سچ کہ جھوٹ کی عادت نہیں مجھے
غالب
مدت ہوئی یار کو مہماں کیے ہوئے
نقش فریادی ہے کس کی شوخی تحریر کا
