امریکہ : (جیو ڈیسک) امریکی حکام نے دعوی کیا ہے کہ پاکستان کے قبائلی علاقوں میں ڈرون حملے میں القاعدہ کا دوسرا بڑا رہنما ابویحی اللبی ہلاک ہوگیا ہے۔غیر ملکی خبررساں ادارے کے مطابق امریکی عہدیدار نے نام ظاہر نہ کرنے کی شرط پر بتایا ہے کہ پیر کو شمالی وزیرستان کے علاقے میر علی میں ایک گھر پر جاسوس طیاروں نے چار میزائل داغے جس میں القاعدہ الزواہری کے بعد القاعدہ کا دوسرا بڑا رہنما ابو یحی اللبی بھی ہلاک ہو گیا ہے۔
امریکی حکام نے القاعدہ کیلئے اس کو بڑا دھچکا قرار دیا ہے ۔ اللبی اسامہ بن لادن کے قریب ترین ساتھیوں میں شمار کیا جاتا تھا تھا ۔ دو ہزار تین میں اللبی کو افغانستان سے گرفتار کیا گیا تھا تاہم دو ہزارپانچ میں وہ بگرام ائیر بیس سے فرار ہونے میں کامیاب ہوگیا تھا۔ امریکا نے اس کے سر کی قیمت ایک ملین ڈالر مقرر کر رکھی تھی ۔ اس سے قبل بھی متعدد بار اللبی سے متعلق ایسے امریکی دعوے سامنے آتے رہے۔
مجھے قتل کیا گیا تو ذمہ دار حکومت ہوگی، عاصمہ جہانگیر
شنگھائی تعاون تنظیم کا دو روزہ سربراہی اجلاس شروع
