ستاروں سے آگے جہاں اور بھی ہیں
Posted on June 13, 2012 By Adeel Webmaster علامہ محمد اقبال
sitaron se aage jahan aur bhi hain
ستاروں سے آگے جہاں اور بھی ہیں
ابھی عشق کے امتحاں اور بھی ہیں
تہی زندگی سے نہیں یہ فضائیں
یہاں سینکڑوں کارواں اور بھی ہیں
قناعت نہ کر عالمِ رنگ و بو پر
چمن اور بھی، آشیاں اور بھی ہیں
اگر کھو گیا اک نشیمن تو کیا غم
مقامات، آہ و فغان اور بھی ہیں
تو شاہیں ہے، پرواز ہے کام تیرا
ترے سامنے آسماں اور بھی ہیں
اسی روز و شب میں الجھ کر نہ رہ جا
کہ تیرے زمان و مکاں اور بھی ہیں
گئے دن کہ تنہا تھا میں انجمن میں
یہاں اب مرے رازداں اور بھی ہیں
علامہ محمد اقبال
Allama Iqbal (stars other world and universe)
تازہ پھر دانشِ حاضر نے کیا سحرِ قدیم
پوچھ اس سے کہ مقبول ہے فطرت کی گواہی
