یورو کپ : (جیو ڈیسک) یورو کپ فٹبال ٹورنامنٹ کے تیسرے کوارٹر فائنل میں آج دفاعی چیمپیئن اسپین اور فرانس کا مقابلہ ہوگا۔ دوسرے کوارٹر فائنل میں جرمنی نے یونان کو دو کے مقابلے میں چار گول سے شکست دے کر سیمی فائنل میں جگہ بنائی تھی۔
یورو کپ کے تیسرے کوارٹر فائنل میں آج اسپین اور فرانس کے درمیان سخت مقابلے کی پیشن گوئی کی گئی ہے۔ گزشتہ روز کوارٹر فائنل میں جرمنی نے یونان کو چار دو سے شکست دی تھی۔ انتالیس ویں منٹ میں جرمنی نے یونان کیخلاف برتری حاصل کی۔ پچپن ویں منٹ میں یونان نے گول اسکور کرکے مقابلہ برابر کردیا۔ جس کے بعد جرمن ٹیم نے مزید تین گول اسکور کرکے گرفت مضبوط کرلی۔ کھیل کے اختتام سے قبل یونان نے دوسرا گول اسکور کیا لیکن جرمنی نے چار دو کے فرق سے سیمی فائنل میں جگہ بنالی۔
گال ٹیسٹ: پاکستان کو فالو آن کا سامنا
آئرلینڈ اور آسٹریلیا کے درمیان واحد ون ڈے آج کھیلا جارہا ہے
