لندن : (جیو ڈیسک) ومبلڈن چیمپین شپ کے چوتھے روز کوئی بڑا اپ سیٹ نہیں ہوا اور مینز کے علاوہ ویمنز ایونٹ میں بھی تمام اہم کھلاڑیوں نے کامیابی کے بعد اگلے راؤنڈ میں کھیلنے کا اعزاز حاصل کر لیا۔ لندن میں جاری ٹینس کے تاریخ ساز ٹورنامنٹ میں ٹاپ سیڈ ماریہ شراپوا نے بلغاریہ کی پیرون کوووا کے خلاف کامیابی حاصل کر کے ایونٹ کے تیسرے راؤنڈ میں جگہ بنا لی۔۔ فرانسسکا اسکیوانے ، نادیہ پیٹرووا ،وکٹوریہ ازارینکا اور پیٹرا کویٹووا بھی اپنے میچ جیت کر تیسرے مرحلے میں پہنچ گئی ہیں۔
امریکا کی سرینا ولیمز نے بھی ہنگری کی میلنڈا زنک کے خلاف کامیابی کے بعد تیسرے راؤنڈ میں قدم رکھ دیا ہے۔ مینز ایونٹ میں برطانیہ کے اینڈی مرے کو کارلووچ کے خلاف سخت محنت کے بعد فتح ملی۔ ان کے ساتھ ہی مارڈی فش،جو ولفرائیڈ سونگا ،فرنینڈو ورڈاسکو،مارکوس بغداتیس، ڈیوڈ فیرر، یو آن مارٹن ڈیل پوٹرو اور اینڈی راڈک بھی تیسرے مرحلے میں پہنچ گئے ہیں ۔
یورو کپ ،ماریوبیلوٹیلی کے 2 گول اٹلی فائنل میں
بیکھم برطانیہ کی اولمپک فٹبال ٹیم میں جگہ نہ بنا سکے
