ڈنگہ غلہ منڈی میں معروف تاجر کی دوکان پر ڈکیتی کی واردات
Posted on July 1, 2012 By Adeel Webmaster گجرات
ڈنگہ(جی پی آئی) ڈنگہ غلہ منڈی میں معروف تاجر کی دوکان پر ڈکیتی کی واردات، 3نامعلوم مسلح ڈاکو اسلحہ کی نوک پر لاکھوں روپے لوٹ کر فرار، بتایا گیا ہے کہ غلہ منڈی میں واقع جاوید بٹ کھل فروش کی دکان پر صبح سویرے مبینہ طور پر تین نامعلوم مسلح ڈاکو آئے اور اسلحہ کی نوک پر رقم نکالنے کا کہا اور تاجر سے تین لاکھ60ہزار روپے نقد کیش لوٹ کر فرار ہوگئے، ڈکیتی کی اس دلیرانہ واردات پر شہر بھر میں سخت خوف و ہراس پایا جارہا ہے۔
ایک اور واقعہ میں ڈنگہ بسم اللہ ہیر کٹنگ کی دوکان کے تالے توڑ کر نامعلوم چور37ہزار روپے لوٹ کر فرار ہوگئے ایک دوسری واردات میں حمزہ ہیر کٹنگ کا مالک شہباز گزشتہ رات اپنے گائوں چک جانی جارہا تھا کہ دو نامعلوم مسلح راہزنوں نے ہزروں روپے نقدی اور دو موبائل فون چھین لئے اور فرار ہوگئے۔
