اپنی جولاں گاہ زیر آسماں سمجھا تھا میں
Posted on July 10, 2012 By Adeel Webmaster علامہ محمد اقبال
samjha tha mein
اپنی جولاں گاہ زیر آسماں سمجھا تھا میں
آب و گل کے کھیل کو اپنا جہاں سمجھا تھا میں
بے حجابی سے تری ٹوٹا نگاہوں کا طلسم
اک ردائے نیلگوں کو آسماں سمجھا تھا میں
کارواں تھک کر فضا کے پیچ و خم میں رہ گیا
مہروماہ و مشتری کو ہم عناں سمجھا تھا میں
عشق کی اک جست نے طے کر دیا قصہ تمام
اس زمین و آسماں کو بے کراں سمجھا تھا میں
کہہ گئیں راز محبت پردہ دار یہاۓ شوق
تھی فغاں وہ بھی جسے ضبط فغاں سمجھا تھا میں
تھی کسی درماندہ رہرو کی صداۓ درد ناک
جس کو آواز رحیل کارواں سمجھا تھا میں
علامہ محمد اقبال
،،،،،،،،،،،،،،،،،،،،،،،،،،،،،،،،،،،،،،،
اثر کرے نہ کرے ، سن تو لے مری فریاد
جاوید کے نام
