گجرات اور گرد و نواح میں بجلی کی غیر اعلانیہ طویل لوڈ شیڈنگ کا سلسلہ بدستور جاری
Posted on August 3, 2012 By Geo Urdu گجرات
گجرات (جی پی آئی) گجرات اور گرد و نواح میں بجلی کی غیر اعلانیہ طویل لوڈ شیڈنگ کا سلسلہ بدستور جاری ہے ، شہری حلقوں میں 18گھنٹے ، جبکہ دیہی علاقوں میں 22گھنٹے کی لوڈ شیڈنگ جاری ہے ، جبکہ حکومتی اقدامات اور اعلانات کے باوجود لوڈ شیڈنگ پر قابو نہیں پایا جا سکا ، اور نہ ہی کسی قسم کا لوڈ شیڈنگ کیلئے شیڈول جاری کیا جا سکا ہے ، جبکہ عوام بجلی نہ ہونے کے باوجود بھاری بل ادا کر رہے ہیں اور عوام کی سوچ سے باہر ہے کہ بجلی نہ ہونے کے باوجود اتنے زیادہ بل کس وجہ سے آ رہے ہیں اور جو کہ عوام کو ادا کرنے پڑ رہے ہیں ، اپوزیشن جماعتوں کے راہنمائوں کا کہنا ہے کہ وفاقی وزیر پانی وبجلی چوہدری احمد مختار اپنے حلقہ میں لوڈ شیڈنگ کے خاتمہ کیلئے کوئی عملی اقدامات نہیں کر سکے ، شکر ہے کہ وہ وزیراعظم نہیں بن گئے ، اگر وہ وزیراعظم بن جاتے تو بھی گجرات کے ساتھ ساتھ ملک کا وہی حال ہونا تھا جو کہ حکومتی اداروں نے ماہ رمضان میں عوام اور ملک کا کر رکھا ہے۔
