اولمپکس (جیو ڈیسک) اولمپکس ہاکی میں پاکستان کو سات صفر سے ہرانے والی آسٹریلوی ٹیم کو جرمنی کے ہاتھوں شکست کی کڑوی گولی نگلنا پڑی۔ہاکی ایونٹ کے پہلے سیمی فائنل میں اولمپکس دفاعی چیمپئن جرمنی اور فاتح عالم آسٹریلیا کی ٹیمیں اِن ایکشن ہوئیں۔ آسٹریلیا نے جارحانہ انداز اپناتے ہوئے بائیسیوں منٹ میں گول کر کے برتری حاصل کی۔
جرمنی کی طرف سے پانچ منٹ بعد اسکور 1-1 کر دیا گیا۔ دوسرے ہاف میں جرمنی نے زبردست کم بیک کیا اور مزید تین گول داغے جبکہ عالمی چیمپئن آسٹریلیا صرف ایک گول کر سکا۔ فائنل کی دوڑ سے باہر ہونے والے کینگروز نے گروپ مرحلے میں پاکستان کو سات صفر سے ہرا کر میڈلز سے محروم کیا تھا۔
اولمپکس : پاکستان ہاکی ٹیم کو چیمپئنز ٹرافی میں نمائندگی مل گئی
اولمپکس: ریفری کے فیصلوں پر بھارتی تشویش
