جامع مسجد صرافہ میں ختم قرآن پاک کی محفل منعقد ہوئی
Posted on August 15, 2012 By Geo Urdu گجرات
گجرات (جی پی آئی) جامع مسجد صرافہ میں ختم قرآن پاک کی محفل منعقد ہوئی ، جس کی صدارت حافظ محمد ایوب صراف نے کی ، جبکہ خصوصی خطاب ممتاز عالم دین ، علامہ صاحبزادہ غلام بشیر نقشبندی نے کیا ، اس موقع پر خطیب جامع مسجد بازار صرافہ الیاس جرالی نے بھی خطاب کیا ، ممتاز ثناء خوانِ رسول حافظ جنید ایوب ، بلال ایوب ، حسن ایوب ، ساحل عباس ، عمران چشتی نے ہدیہ نعت پیش کیا ، حافظ جنید ایوب نے پانچواں مصلہ بازار صرافہ میں سنایا اور قرآن پاک ختم کرنے کی سعادت حاصل کی ۔
اس موقع پر فاروق بٹ ، فیصل خرم ، حافظ حسن اقبال ، محمد ایوب صراف ، حسن پگانوالہ ، فاروق پگانوالہ ، پروفیسر علی وقار ، قار ی سلیم سیالوی ، حاجی اشفاق مکی و دیگر نے شرکت کی ، اختتام پر حاجی محمد اشفاق آف مکہ نے مدینہ منورہ سے لائے ہوئے تبرکات ، خصوصاً موے مبارک صلی اللہ علیہ واٰلہ وسلم کی زیارت کروائی ، بعد ازاں حافظ محمد ایوب صراف کی رہائشگاہ پر موے مبارک کی زیارت کروائی گئی اور لنگر تقسیم کیا گیا ۔
