رمضان صبر ہمدردی کا مہینہ ہے: سید احسان اللہ شاہ
Posted on August 16, 2012 By Geo Urdu گجرات
گجرات (جی پی آئی) امیر جماعت اسلامی ضلع گجرات سید احسان اللہ شاہ نے بھنڈ گراں میں دعوت افطار سے خطاب کرتے ہوئے کہا رمضان صبر ہمدردی کا مہینہ ہے۔نبی اکرم ۖ کی رمضان المبارک میں فیاضی کا یہ عالم ہوتا تھا کہ آپ سب کچھ اللہ کی راہ میں خرچ کر ڈالنے کے لیے کمر بستہ رہتے۔آپ صلی اللہ علیہ واٰلہ وسلم نے فرمایا جس شخص نے رمضان کے روزے ایمان اور احتساب کے ساتھ رکھے اللہ تعالیٰ نے اس کے سارے گناہ معاف کر دیے ۔رمضان کے تینوں عشروں میں اللہ تعالیٰ اپنے بندوں پر فضل فرماتا ہے۔پہلا عشرہ رحمت، دوسرا عشرہ مغفرت ، تیسرا عشرہ آتش دوزخ سے نجات کا عشرہ قرار دیا ہے۔
