گیس سلنڈر لیک ہونے سے فرینڈز بریانی شاپ میں آگ لگ گئی
Posted on September 3, 2012 By Geo Urdu سٹی نیوز
بھمبر (ڈسٹرکٹ رپورٹر)گیس سلنڈر لیک ہونے سے فرینڈز بریانی شاپ میں آگ لگ گئی ہزاروں روپے کا قیمتی سامان جل گیا ریسکیو 1122نے بر وقت کاروائی کرکے آگ پر قابو پا لیا تفصیلات کیمطابق گزشتہ روز صبح10بجے کے قریب فرینڈز بریانی شاپ میرپور چوک میں گیس سلنڈر لیک ہونے کی وجہ سے اچانک آگ بھڑک اٹھی۔
جس نے چند سیکنڈوں میں پوری دوکان کو اپنی لپیٹ میں لے لیا آگ سے دوکان کے اندر موجود فرنیچر ، برتن ،ٹی وی اور دیگر ہزاروں روپے مالیت کا قیمتی سامان جل کر راکھ ہو گیا آگ لگنے کی اطلاع ملنے پر ریسکیو 1122فوری طور پر موقع پر پہنچ آئی جس نے موجود دوکانداروں کی مددسے آگ پر قابو پالیا لیکن اس اثناء میں دوکان کے اندر موجود تما م سامان جل کر راکھ ہو چکا تھا ۔
