شمع آرٹ پروموٹرز ڈرامہ زمانہ کیا کہے گا شوٹ کریگی ، قادرراہی
Posted on September 19, 2012 By Geo Urdu کراچی
کراچی (اسٹاف رپورٹر) آرٹ کے فروغ کے حوالے سے قائم سوشل تنظیم شمع آرٹ پروموٹرز کے بینر تلے بننے والی ٹی وی ڈرامہ سیریل زمانہ کیا کہے گا ؟عنقریب شوٹ کی جائے گی ۔ان خیالات کا اظہار معروف ڈرامہ ڈائریکٹر قادر راہی نے میڈیا سے خصوصی گفتگو کرتے ہوئے کیا ۔انہوں نے بتایا کہ زمانہ کیا کہے گا ؟میں ناظرین کی دلچسپی کے سارے عوامل رومانس ،سپینس ،کامیڈی ،ٹریجڈی،موجودہ دور کے مسائل اور زندگی کے تلخ و شیریں حقائق سب ہی کچھ موجود ہیں ۔اس سیریل کو ابھرتے ہوئے باصلاحیت رائٹر علی عابدی نے بہت ہی اچھوتے انداز سے تحریر کیا ہے ڈرامے کا ٹیمپو ایساہے کہ ڈرامہ دیکھنے والا خود ڈرامے کا حصہ سمجھنے لگے گا ۔
ڈائریکٹر قادر راہی کے معاون اسسٹنٹ ڈائریکٹر فیاض اسلم ہیں جہنوں نے اس سے پہلے بھی کئی سیریلز میں اپنی صلاحیتوں کا لوہا منوایا ہے ۔زمانہ کیا کہے گا کی کاسٹ میں نئے اور پرانے آرٹسٹ شامل ہیں ۔اب یہ فیصلہ تو ڈرامہ دیکھ کر ناظرین ہی کرینگے کہ یہ سیریل کس حد تک لوگوں کا دل جیتے گی ۔مگر ڈرامے کی ٹیم شب و روز کی محنت اور ان کی کاوشوں کو دیکھتے ہوئے یہ کہنا بے جانہ ہوگا کہ پوری ٹیم جس مہارت اور تندہی سے اس پروجیکٹ کی تیاریوں میں مصروف ہے انشاء اللہ اس کے مثبت نتائج سامنے آئیں گے ۔
سندھ ہائیکورٹ: وحیدہ شاہ کو نا اہل قرار دینے کا فیصلہ برقرار
سانحہ بلدیہ ٹاون : تحقیقاتی ٹریبونل کا فیکٹری کا معائنہ
