کشمیر فریڈم موومنٹ کے مرکزی عہدے داران کے چناؤ کیلئے شیڈول جاری 14اکتوبر کو بھمبر میں انتخابی اجلاس ہو گا
Posted on October 10, 2012 By Geo Urdu سٹی نیوز
بھمبر(ڈسٹرکٹ رپورٹر) کشمیر فریڈم موومنٹ کے مرکزی عہدے داران کے چناؤ کیلئے شیڈول جاری 14اکتوبر کو بھمبر میں انتخابی اجلاس ہو گا اجلاس میں مرکزی مشاورتی کونسل کے ممبران ضلعی اور تحصیل عہدیداران حصہ لیں گے چناؤ آئندہ دوسال کیلئے ہو گا تفصیلات کیمطابق کشمیر فریڈ م موومنٹ کے دفتر سے جاری ہونے والی پریس ریلیز کیمطابق کشمیر فریڈم موومنٹ کے مرکزی عہدیداروں کے انتخاب کیلئے14اکتوبر بروز اتوار بوقت 11بجے د ن ہیون پیلس ہوٹل میں ایک اہم اجلاس منعقد ہوگا۔
انتخابی عمل میں ممبران مشاورتی کونسل ،ضلعی اور تحصیل عہدیدار حصہ لیں گے جو آئندہ دوسال برائے 2013،2014کیلئے فریڈم موومنٹ کے نئے عہدے داروں کا چناؤ کرینگے الیکشن پراسیس میں حصہ لینے اور اجلاس میں شرکت کیلئے تمام ممبران اور عہدے داروں کو خطوط جاری کر دیئے گئے ہیں انتخابی عمل کیلئے محمد شفیق کیانی کی سربراہی میں تین رکنی کمیٹی قائم کر دی گئی جو الیکشن کے عمل کو مکمل کروائے گی ۔
