بھارتی وفد نے گجرات اور قادر آباد کا دورہ کیا
Posted on October 12, 2012 By Geo Urdu گجرات
گجرات (جی پی آئی) بھارتی وفد نے گجرات اور قادر آباد کا دورہ کیا ، تفصیلات کے مطابق امن کی آشاکے تحت ڈاکٹر Y.Pملہوترا ور اوم پرکاش ملہوترا نے گجرات اور قادر آباد کا دورہ کیا ، ان کا کہنا تھا کہ ان کو پاکستان آ کر بہت خوشی ہوئی ہے ، کہ پاکستان کا کلچر آج بھی ویسا ہے جیسا پاکستان اور ہندوستان کی تقسیم سے قبل تھا ، یہاں کے لوگ بہت پیار کرنے والے ہیں ، ہم نے اپنے آبائی علاقوں کا دورہ کیا۔
ہمیں جو پیار ملا وہ ہم بھول نہیں سکتے ، پاکستان کے ساتھ بہت ساری اچھی یادیں وابستہ ہیں ، ہم چاہتے ہیں کہ پاکستان اور انڈیا امن کے فروغ کیلئے عملی اقدامات کریں تا کہ دونوں ممالک کی عوام کے درمیان پایا جانے والا خلاء پورا ہو سکے ، وفد کے اعزاز میں چوہدری خالق محمود نے کنارہ ریسٹورنٹ پر عشائیہ دیا جس میں ڈاکٹر رزاق احمد غفاری نے بھی شرکت کی۔
