الیکشن کمیشن نے انتخابی ضابطہ اخلاق کی خلاف ورزی پر امیدوار کو نااہل قرار دینے کا فیصلہ کیا ہے۔ چیف الیکشن کمیشن فخر الدین جی ا براہیم کی زیر صدارت اجلاس میں مختلف انتخابی امور پر تفصیلی تبادلہ خیال کیا گیا۔
اجلاس میں انتخابی ضابطہ اخلاق کی منظوری دی گئی اور یہ فیصلہ کیا گیا کہ ضابطہ اخلاق کی خلاف ورزی پرامیدوار کو نااہل قرار دے دیا جائے۔ اجلاس میں اس بات پر اتفاق کیا گیا کہ انتخابی ضابطہ اخلاق کا مسودہ سیاسی جماعتوں کو بھجوایا جائے گا جس پر ان کی رائے حاصل کی جائے گی۔
چیف الیکشن کمشنر کا کہنا تھا کہ انتخابی رولز پر عملدرآمدکیلئے صرف اخلاق سے کام نہیں چلے گا، الیکشن کمیشن نے پولنگ عملے کا اعزازیہ دگنا کرنے کی بھی منظوری دی ہے۔ اجلاس میں بلی کا انتخابی نشان ختم کرنے کے حوالے سے مسلم لیگ نواز کی درخواست کا جائزہ بھی لیا گیا جبکہ مختلف سیاسی جماعتوں کی رجسٹریشن کے معاملے پر بھی غور کیا گیا۔
ساکھ خراب نہیں ہوئی، پیپلز پارٹی انتخابات میں سرپرائز دے گی: اعتزاز احسن
نوازشریف کی الیکشن کیلئے ملک بھر میں ضلعی کمیٹیاں بنانے کی ہدایت
