پیرس ماسٹرز ٹینس (جیوڈیسک)پیرس ماسٹرز ٹینس ٹورنامنٹ کیمینز ڈبلز ایونٹ میں پا کستان کے اعصام الحق اور ان کے ڈچ پارٹنر جولین راجرز فائنل میں پہنچ گئے ہیں۔ایسوسی ایشن آف ٹینس پلیئر کے زیر اہتمام پیرس میں جاری ٹورنامنٹ کے مینز ڈبلز ایونٹ میں اعصام الحق اور ان کے پارٹنر جین جولین راجرز نے شاندار فارم کا سلسلہ برقرار رکھتے ہوئے کروشیا کے مارین سیلیک اور برازیل کے مارسیلیو میلو کو تین سیٹ کے مقابلے کے بعد شکست دی۔
پاکستانی ٹینس اسٹار اور ان کے پارٹنر کو پہلے سیٹ میں شکست کا سامنا کرنا پڑا تاہم انہوں نے شاندار کم بیک کیا اور اگلے دونوں سیٹ میں کامیابی حاصل کر کے فائنل میں رسائی حاصل کر لی۔ میچ کا اسکور صفر چھ، چھ چار اور گیارہ نو سے فاتح ٹیم کے حق میں رہا۔ اعصام الحق اور جین جولین راجرز رواں برس دو اے ٹی پی ٹائٹل جیت چکے ہیں۔
جاپانیوں میں اسمارٹ ہونے کا رحجان سومو کشتی کیلئے خطرہ
سلطان جوہر ہاکی ٹورنامنٹ : قومی جونئیر ہاکی ٹیم کا اعلان آج ہو گا
