مسلم لیگ ن کے راہنما رانا مشرف ناز نے پریس کانفرنس میں حلقہ پی پی 111میں الیکشن لڑنے کا اعلان کر دیا
Posted on November 5, 2012 By Geo Urdu گجرات
گجرات (جی پی آئی) مسلم لیگ ن کے راہنما رانا مشرف نا ز نے پریس کانفرنس میں حلقہ پی پی 111میں الیکشن لڑنے کا اعلان کر دیا ، گزشتہ روز مسلم لیگ ن کے راہنما رانا مشرف ناز نے ایک پر ہجوم پریس کانفرنس میں حلقہ پی پی 111میں آئندہ ہونے والے عام انتخابات میں حصہ لینے کا اعلان کیا ہے ۔
اس موقع پر پارٹی کی کئی اہم شخصیات موجود تھیں ، انہوں نے کہا کہ اب جاگیرداروں اور سرمایہ داروں کا دور گزر گیا ہے ، عام طبقے کے افراد کو سیاست میں آنا ہو گا ، اور جاگیرداری اور سرمایہ داری نظام کو ملیا میٹ کرنا ہو گا ، رانا مشرف ناز نے کہا مسلم لیگ آئندہ الیکشن میں کلین سویپ کرے گی اور مسلم لیگ کی قیادت جانثار ورکروں کو ٹکٹ دے گی مجھے یقین ہے کہ انشاء اللہ جماعت کی قیادت میرے حق میں فیصلہ کرے گی ، طویل عرصہ سے ڈور ٹو ڈور انتخابی مہم چلا رہا ہوں ، آئندہ الیکشن میں بھرپور حصہ لونگا ۔
