ریلوے چوک میں واقع اوور ہیڈ تشہیری بورڈ کی وجہ سے سیکورٹی رسک بنا ہوا ہے
Posted on November 6, 2012 By Geo Urdu گجرات
لالہ موسیٰ (جی پی آئی) ریلوے چوک میں واقع اوور ہیڈ تشہیری بورڈ کی وجہ سے سیکورٹی رسک بنا ہوا ہے ، قد آور بورڈ کی بدولت جرائم پیشہ افراد کی موجیں ، مقامی سیاسی ، سرکاری قیادت کی خاموشی سے عوام پریشان اس سلسلہ میں بتایا جاتا ہے کہ ریلوے چوک میں واقع اوور ہیڈ برج پر کاروباری تشہیری بورڈ کی وجہ سے اوور ہیڈ برج عوام کے لئے مسلسل سیکورٹی رسک بنا ہوا ہے قدآور بورڈ کی وجہ سے اوور ہیڈ برج سے رات تو در کنار دن کو بھی خواتین ، سکول ، کالج آنے جانے والی لڑکیوں کیلئے خطرے سے خالی نہیں ہے ، جبکہ جرائم پیشہ افراد کیلئے اوور ہیڈ برج جنت بنا ہوا ہے وہ اوور ہیڈ برج ہر دن اور رات کی تمیز کیے بغیر اپنا کام جاری رکھے ہوئے ہیں ، عوامی و سماجی حلقوں نے ڈپٹی ڈائریکٹر این ایچ اے وزیرآباد سمیت اعلیٰ احکام سے پر زور مطالبہ کیا ہے کہ اوور ہیڈ برج سے بورڈ اتروا کر شہریوں کو تحفظ فراہم کیا جائے۔
