امریکا (جیوڈیسک)صدارتی انتخابات میں دوسری بار کامیابی حاصل کرنے کے بعد اپنے حامیوں سے خطاب میں صدر براک اوباما نے کہا جنگ مسائل کا حل نہیں۔ مدمقابل مٹ رومنی نے شکست تسلیم کرتے ہوئے صدر اوباما کی کامیابی کے لئے دعا کی۔
دوسری بار امریکا کا صدر منتخب ہونے کے بعد براک اوباما نے شکاگو کے کنوشن سنٹر میں اپنے حامیوں سے خطاب کیا۔انہوں نے کہا ہمارا راستہ دشوار اور لمبا ہے۔امریکی عوام کے لیے بہترین دن آنے والے ہیں ۔صدر اوباما نے کہا عوام کے ساتھ کیے گئے وعدے پورے کروں گا۔مشکل حالات میں سخت فیصلے کرنا پڑے۔برسوں کی جنگ ختم ہو رہی ہے۔جنگ مسائل کا حل نہیں۔
ریپلکن پارٹی کے امیدوار مٹ رومنی نے بوسٹن میں خطاب کرتے ہوئے اپنی شکست تسلیم کی اور صدر اوباما کو مبارکباد دی۔ انہوں نے کہا یہ امریکا کے لیے امتحان کا لمحہ ہے۔ وہ دعا کرتے ہیں کہ صدر اوبامہ تمام چیلنجوں کا کامیابی سے مقابلہ کرسکیں۔ صدر اوباما اور رومنی نے انتخابات میں ووٹ دینے پر اپنے اپنے حامیوں کا شکریہ ادا کیا۔
پاکستان کا اتحادی ممالک کیساتھ نیٹو سپلائی معاہدہ کرنیکا فیصلہ
ہلیری کلنٹن نے اپنا عہدہ چھوڑنے کا حتمی فیصلہ کر لیا
