پاکستان میں بھارت کے ہائی کمشنر شرت سبھروال نے کہا ہے کہ بھارت پاکستان کو سستے داموں ایل این جی کی فروخت کے لیے تیار ہے جبکہ بھارت کا دورہ کرنے والے پاکستانی فنکاروں کو بھی مکمل سیکیورٹی دی جائے گی۔ لاہور چیمبرآف کامرس میں صعنتکاروں اور تاجروں سے خطاب کرتے ہوئے شرت سبھروال نے کہا کہ پاک بھارت تجارت سے دونوں ممالک کے عوام کو فائدہ ہوگا اور اس سے خطے میں خوشحالی آئے گی۔
ان کا کہنا تھا کہ بھارتی حکومت نے پاکستانیوں کو اپنی اسٹاک مارکیٹ میں سرمایہ کاری کی اجازت دی ہے تاکہ پاکستانی اس سے مستفید ہوسکیں ۔ انہوں نے مزید کہا کہ پاکستان اور بھارت کے مابین واہگہ اور اٹاری کے ذریعہ 148اشیا کی تجارت ہو رہی ہے جس میں وقت کے ساتھ ساتھ مزید اضافہ ہوگا اور دونوں ممالک کے درمیان کلچرل تقریبات کو بھی فروغ دیا جائے گا۔
کراچی : دو دن کی بندش کے بعد سی این جی کی فروخت شروع
گولڈ مارکیٹ میں تیزی،قیمتوں میں اضافے کا امکان
