یوم اقبال پوری قوم کیلئے تجدید عہد کا دن ہے۔ چوہدری عابد رضا
Posted on November 10, 2012 By Geo Urdu سٹی نیوز
کوٹلہ (ار ب علی خان)یوم اقبال پوری قوم کیلئے تجدید عہد کا دن ہے پاکستان اسلام کا قلعہ ہے اور علامہ محمد اقبال کے نظریات پر عمل پیرا ہو کر ہی ہم پاکستان کو پوری دنیا میں مثالی ملک بنا سکتے ہیں ان خیالات کا اظہار سالار قافلہ چوہدری عابد رضا نے اپنے ایک بیان میں کیا انھوں نے کہا کہ عظیم فلسفی شاعر اور مفکر پاکستان علامہ محمد اقبال نے اپنے افکار اور نظریات کے زریعے دنیائے اسلام کی پہلی ایٹمی طاقت پاکستان کو معرض وجود میں لانے کا تصور دے کر مسلمانان عالم کو اسلامی ملک کی راہ پر ڈالاجس پر پوری قوم انکی ممنون ہے۔
انھوں نے کہا کہ علامہ محمد اقبال نے بر صغیر پاک و ہند کے مسلمانوں میں اپنی شاعری کے زریعے ایک نیا ولولہ اور آزادی کی امنگ پیدا کی اور ہمیں علامہ اقبال کے افکار سے وفا کرتے ہوئے قومی اتحاد و یکجہتی کیلئے اپنا کردار ادا کرنا ہو گا۔
