بالی ووڈ(جیوڈیسک)طویل عرصے سے شادی کی خبروں کی زینت بننے والی بالی ووڈ اداکارہ ودیا بالن آخر کار آج پیا گھر سدھار جائیں گی۔
ڈرٹی پکچر اور کہانی جیسی سپر ہٹ فلموں کی اداکارہ ودیا بالن کے ہونے والے شوہر سدھارتھ رائے کپور ایک ٹی وی چینل کے مالک ہیں۔ ذرائع کے مطابق شادی کی رسمیں آج صبح سری سبرامنیم مندر میں جنوبی بھارتی اور پنجابی انداز میں ادا کی جائیں گی۔ ودیا کی رسم حنا بدھ کی رات کو ممبئی میں انکی رہائش گاہ پر ہوئی۔ ودیا نے رسم حنا کو قریبی دوستوں اور خاندان کے لوگوں تک محدود رکھا۔
رسم حنا میں بالی ووڈ سے صرف اداکارہ ریکھا نے شرکت کی۔ ودیا کے لئے شادی کے ملبوسات ان کے قریبی دوست بھارت کے معروف ڈیزائنر سبیاسچی مکھر جی نے تیار کئے ہیں۔
ودیا بالن اب تک بھا رتی فلم انڈسٹری کے تیرہ ایوارڈ حاصل کر چکی ہیں جن میں بالی وڈ کا سب سے بڑا ایوارڈ نیشنل فلم ایوارڈ بھی شامل ہے۔ جبکہ ڈرٹی پکچر کے لئے انھیں 2012 میں بیسٹ اکٹریس کا ایوارڈ بھی دیا گیا۔
ول سمتھ کی نئی فلم آفٹر ارتھ سنسنی سے بھرپور
آرنلڈ کی فلم دی لاسٹ سٹینڈ آئندہ ماہ ریلیز ہوگی
