تحریک منہاج القرآن گجرات کے زیر اہتمام پاکستان بچاؤ موٹر سائیکل ریلی
Posted on December 17, 2012 By Geo Urdu گجرات
گجرات (جی پی آئی) تحریک منہاج القرآن گجرات کے زیر اہتمام پاکستان بچاؤ موٹر سائیکل ریلی نکالی گئی ریلی کی قیاد ت چوہدری محمد اکرم ، مہر یوسف یعفور، چوہدری امجد اقبال، سمیع اللہ وڑائچ ، چوہدری محمد عنصر،مظہر حسین قادری، سلیم رضا نے کی ریلی کاآغا ز جی ٹی ایس چوک سے ہوا جو رامتلائی روڈ ، تمبل چوک ، چوک پاکستان ، کچہری چوک ، بھمبر روڈ ، جناح روڈ سے گزرتی ہوئی جی ٹی ایس چوک میں اختتام پذیر ہوئی ۔
ریلی سے خطاب کرتے ہوئے مہر یوسف یعفور نے خطاب کرتے ہوئے کہا کہ ہم موجودہ کرپٹ، ظالمانہ نظام کی تبدیلی کے لیے پر امن بغاوت کا اعلان کرتے ہیں 23دسمبر کو مینار پاکستان میں ڈاکٹر محمد طاہر القادری کی قیادت میں اس فرسود ہ اور ملک دشمن نظام کو ہمیشہ کے لیے سمندر بر دکردیں گے ۔
سلیم رضا چشتی نے خطاب کرتے ہوئے کہا کہ65سال سے پاکستان کو دیمک کی طرح چاٹنے والے کرپٹ اور بدکردار سیاستدانوں کے دن گنے چاچکے ہیں اب یہ نظام انتخاب انکو تحفظ نہیں دے سکے گا ، اب قوم ان دھوکہ دینے والے مداریوں کے چکر میں نہیں آئیں گے۔
سمیع اللہ وڑائچ نے کہا کہ 23دسمبر کو ڈاکٹر طاہر القادری کی قیادت میں پاکستان میں ایک نیا سویرا طلوع ہوگا ڈاکٹر طاہر القادری ایک ایسا ایجنڈا دیں گے جس میں غریب قوم اور دکھی مخلوق کے دکھوں کا مداوا ہوگا ، ریلی سے شاہد رضوان ، زاہد بیگ مرزا، چوہدری غلام سرور وڑائچ، قیصر محمود چوہان اور دیگر نے بھی خطاب کیا ۔
