پشاور میں عوامی نیشنل پارٹی کے جلسے پر ہونے والے خود کش حملے میں غلام احمد بلور کے بھائی عوامی نیشنل پارٹی کے سینئر رہنما بشیر بلور ہلاک ہو گئے ہیں۔
اس خود کش حملے میں بشیر بلور، پانچ پولیس اہلکار اور بشیر بلور کے پرائیوٹ سیکرٹری نور محمد ہلاک ہوگئے ہیں۔
خود کش دھماکہ پشاور میں قصہ خوانی کے علاقے ڈھکی نعلبندی میں ہوا۔
قصہ خوانی بازار کے قریب ڈھکی نعلبندی کے علاقے میں اے این پی کے اجلاس کے بعد بشیر بلور باہر آرہے تھے کہ خود کش حملہ آور نے خود کو دھماکے سے اڑالیا جس کے نتیجے میں بشیر احمد بلور ان کے پرسنل سیکریٹری نور محمد بابو اور ایس ایچ او تھانہ کابلی عبد الستار سمیت 7 افراد جاں بحق ہوئے ۔
بشیر احمد بلور کو حملے کے بعد شدید زخمی حالت میں اسپتال لایا گیا جہاں انہیں آپریشن تھیٹر منتقل کیا گیا تاہم دوران علاج ہی وہ جاں بحق ہو گئے ، ان کے سینے اور سر پر شدید چوٹیں آئیں ، دہشت گردی کیخلاف جدوجہد کرنے والے بشیر احمد بلور خود بھی دہشت گردی کا نشانہ بن گئے۔
بشیر احمد بلور وفاقی وزیر ریلوے غلام احمد بلور کے بھائی ہیں۔ جن پر امریکہ داخلے پر پابندی ہے۔ غلام احمد بلور نے گستاخ رسول کو قتل کرنے کیلئے انعام کا اعلان کیا تھا۔
کرسمس محبت اور بھائی چارے کا تہوار ہے، راجہ پرویز اشرف
بشیربلورکی تدفین بچوں کی وطن واپسی کیبعد ہوگی،غلام احمد بلور
