سپریم کورٹ نے پنجاب حکومت گرانے کے لیے مبینہ طور پر خفیہ فنڈ کے استعمال پر سیکریٹری خزانہ سے ریکارڈ طلب کرلیا ہے جبکہ سابق ڈی جی آئی بی شعیب سڈل نے اپنی رپورٹ میں کہا ہے کہ خفیہ فنڈ سے چوالیس کروڑ روپے نکا لے گئے ۔
سپریم کورٹ میں پنجاب حکومت گرانے کے لیے خفیہ فنڈ کے استعمال سے متعلق کیس کی سماعت چیف جسٹس افتخار محمد چوہدری کی سربراہی میں تین رکنی بنچ نے کی۔عدالت نے سیکریٹری خزانہ کو حکم دیا کہ وہ پنجاب حکومت کو گرانے کے لیے استعمال ہونے والے ستائیس کروڑ کا ریکارڈ پیش کریں۔
عدالت کا کہنا تھا کہ سابق ڈی جی آئی بی طارق لودھی خفیہ فنڈ سے رقم نکلنے کو تسلیم کر چکے ہیں۔ عدالت نے موجودہ ڈی جی آئی بی اختر گورچانی کو بھی اگلی سماعت پر طلب کر لیا۔
آئندہ عام انتخابات کے سیکیورٹی پلان پرالیکشن کمیشن کا اجلاس آج ہوگا
کراچی :عائشہ منزل بم دھماکے کی ابتدائی رپورٹ تیار
