اسلام آباد(جیوڈیسک) ایم کیو ایم کے قائد الطاف حسین کے خلاف توہین عدالت کیس میں پیشی کے لئے متحدہ قومی موومنٹ کا وفد سپریم کورٹ پہنچ گیا ہے۔
چیف جسٹس افتخار محمد چوہدری کی سربراہی میں عدالت عظمی کا تین رکنی بنچ کیس کی سماعت کر رہا ہے ، سپریم کورٹ نے الطاف حسین کو عدلیہ کے خلاف بیان دینے پرذاتی طور پر طلب کیا تھا۔ دوسری جانب الطاف حسین نے حاضری سے استثنی کی درخواست دائر کر رکھی ہے۔
متحدہ قومی موومنٹ نے الطاف حسین کی پیروی کے لئے وکلا کا نو رکنی پینل تشکیل دیا ہے جس کی سربراہی ڈاکٹر فروغ نسیم کر رہے ہیں۔ ایم کیوایم کے رہنماء فاروق ستار ، رضاہارون اور بابر غوری سمیت تمام رہنماء سپریم کورٹ پہنچ گئے ہیں۔
کراچی : موٹر سائیکل سواروں کی کار پر فائرنگ سے باپ ، بیٹی جاں بحق
قاضی حسین احمد مسلم امہ کی واحدت، جامعیت اور آفاقیت کی علامت تھے: ناظم لاہور
