گجرات میں تجاوزات کی بھرمار سے شہری عاجز آگئے
Posted on January 7, 2013 By Geo Urdu گجرات
گجرات (جی پی آئی)گجرات میں تجاوزات کی بھرمار سے شہری عاجز آگئے خواتین بچوں اور بوڑھوں کو پیدل چلنے میں بھی شدید دشواری کا سامنا ہے شہر کے اہم چوکوںجی ٹی ایس چوک ‘رامتلائی چوک ‘جیل چوک ‘پاکستان چوک ‘شاہدولہ چوک ‘مسلم بازار اور دیگر مقامات پر ریڑھی بانوں اور دکانداروں نے تھڑے لگا کر راستے بند کررکھے ہیں جس کی وجہ سے سڑکیں تنگ ہوچکی ہیں اور ٹریفک کئی کئی گھنٹے تک بلاک رہتی ہے۔
ان ناجائز تجاوزات کی وجہ سے بازاروں میں خریداری کرنے کیلئے آنیوالی خواتین کو شدید مشکلات کا سامنا کرنا پڑتا ہے اور فٹ پاتھوں پر بھی پیدل چلنے والوں کو شدید دشواریوں کا سامنا ہے ٹی ایم اے کا عملہ بھی ناجائز تجاوزات کرنیوالوں کوکنٹرول کرنے میں مکمل طور پر ناکام ہوچکا ہے شہریوں نے ڈی سی او گجرات سے مطالبہ کیا ہے کہ چوکوں اور بازاروں میں ناجائز تجاوزات کیخلاف آپریشن کیا جائے۔
