دبئی(جیوڈیسک) دبئی انٹرنیشنل کرکٹ کونسل کی نئی رینکنگ میں پاکستان کے محمد حفیظ نمبر ون آل راونڈر اور سعید اجمل بولرز میں سر فہرست آگئے۔ پاکستان اور بھارت کی 3 ایک روزہ میچوں کی سیریز کے اختتام پر انٹرنیشنل کرکٹ کونسل نے نئی رینکنگ جاری کر دی ہے جس کے مطابق آل راونڈرز کی رینکنگ میں محمد حفیظ 428 پوائنٹس کے ساتھ سر فہرست ہیں جبکہ شکیب الحسن صرف 2 پوائنٹس کمی کے ساتھ دوسری پوزیشن پر ہیں۔ بولروں کی رینکنگ میں سعید اجمل کا پہلا اور محمد حفیظ کا دوسرا نمبر ہے، دونوں بولروں نے اپنی پوزیشز کو مزید مستحکم کیا ہے۔ ٹاپ 10 بیٹسمینوں میں پاکستان کا کوئی بیٹسمین شامل نہیں ہے۔ عمر اکمل کی رینکنگ 13 ویں سے گرکر 16 نمبر پرچلی گئی ہے۔
پاک بھارت سیریزعوام کو قریب لائے گی ، سدھو
بارسلونا سپر اسٹار لیونل میسی نے مسلسل چوتھی بار فیفا ایوارڈ جیت لیا
