حکومت کی اتحادی جماعتوں نے لانگ مارچ پر ڈاکٹر طاہر القادری سے مذاکرات کیلئے چودھری شجاعت کو ٹاسک دے دیا جبکہ پیپلز پارٹی کے رہنما متحدہ قومی موومنٹ سے بات چیت کریں گے۔
بلاول ہاؤس کراچی میں صدر مملکت اور وزیر اعظم کی زیر صدارت اتحادی جماعتوں کا اجلاس ہوا جس میں ملک کو درپیش چلینجز سے مل کر نمٹنے کا عزم کیا گیا۔اجلاس میں چیئرمین پیپلز پارٹی بلاول بھٹو زرداری ،فریال تالپور،مسلم لیگ ق کے سربراہ چوہدری شجاعت حسین، عوامی نیشنل پارٹی کے سربراہ اسفند یار ولی ، ایم کیو ایم کے رہنما ڈاکٹر فاروق ستار اور بابر غوری نے شرکت کی۔
ذرائع کے مطابق اجلاس میں مخلوط حکومت برقرار رکھنے پر اتفاق جبکہ ڈاکٹر طاہر القادری سے مذاکرات کیلئے چودھری شجاعت کو ٹاسک سونپ دیا گیا۔ چوہدری شجاعت حسین کا کہنا تھا کہ لانگ مارچ پر نظرثانی کیلئے طاہر القادری سے پہلے ایم کیو ایم سے بات کی جائے۔
ایم کیو ایم لانگ مارچ کی حمایت سے متعلق اپنے موقف پر ڈٹی رہی،رہنماؤں کا کہنا تھا کہ ایم کیو ایم حکومت کی اتحادی ہے اور لانگ مارچ حکومت کے خلاف نہیں۔
کراچی: فائرنگ کے مختلف واقعات میں 13 افراد موت کا شکار ہوگئے
ایم کیو ایم کا طاہر القادری کے لانگ مارچ میں شرکت نہ کرنیکا اعلان
