پورٹ ایلزبتھ ٹیسٹ (جیوڈیسک) جنوبی افریقہ کے نیوزی لینڈ کے خلاف دوسرے ٹیسٹ کے پہلے روز چار وکٹوں کے نقصان پر تین سو پچیس رنز بنا لئے۔ پورٹ الیزبتھ میں شروع ہونے والے میچ کا ٹاس جنوبی افریقہ نے جیت کر پہلے بیٹنگ کرنے کا فیصلہ کیا تو انتیس کے مجموعی اسکور پر الویرو پیٹرسن آؤٹ ہو گئے جس کے بعد کپتان گریم اسمتھ نے ہاشم آملہ کے ساتھ مل کر اسکور میں بانوے رنز کا اضافہ کیا۔ چون رنز بنا کر اسمتھ نیل وینگر کی گیند پر کیچ آؤٹ ہو گئے۔
جیک کیلس آٹھ اور اے بی ڈیویلیر اکیاون رنز بنا سکے۔ جنوبی افریقہ نے پہلے روز کھیل کے اختتام پر چار وکٹوں کے نقصان پر تین سو پچیس رنز بنائے ہیں۔ ہاشم آملہ ایک سو دو رنز کے ساتھ وکٹ پر ڈٹے ہوئے ہیں۔
ڈاکار ریلی : فرانسیسی بائیک ڈرائیور تھومس بورجین حادثے میں ہلاک
آٹھ پاکستانی ہاکی کھلاڑی بھارت روانہ
