سپریم کورٹ کی ڈیڈ لائن ختم ہو گئی مگر ابھی تک وزیراعظم اور رینٹل پاور کیس کے دیگر ملزموں کے خلاف نہ تو ریفرنس منظور ہوا اور نہ کوئی گرفتاری عمل میں لائی جا سکی۔ کیس کی سماعت آج دوبارہ ہوگی۔
سپریم کورٹ نے رینٹل پاور عملدرآمد کیس میں گزشتہ روز نیب حکام کو چوبیس گھنٹے میں ملزموں کے خلاف ریفرنس دائر کر کے چالان پیش کرنے اور ان کو گرفتار کرنے کی ہدایت کی تھی۔
سپریم کورٹ کے فیصلے کے بعد نیب کے ایگزیکٹیو بورڈ کا اجلاس ہونا تھا جو تاحال نہیں ہو سکا جس کے باعث عدالت عظمی کے فیصلے پر ابھی تک کوئی پیش رفت نہ ہو سکی۔ ذرائع کے مطابق رینٹل پاور کیس سے متعلق نیب کے پراسیکیوٹر اور دیگر افسروں کی چیئرمین سے غیر رسمی مشاورت جاری رہی لیکن کسی با ضابطہ اجلاس میں ریفرنس کی منظوری نہ دی جا سکی۔
سپریم کورٹ نے آج نیب سے اس کیس میں پیش رفت کی رپورٹ طلب کی ہے۔ چیئرمین نیب خود عدالت میں پیش ہوں گے اور ریفرنس منظور نہ ہونے کی وجوہات سپریم کورٹ میں پیش کریں گے۔
شاہ زیب قتل کیس،مرکزی ملزم شاہ رخ جتوئی دبئی سے کراچی منتقل
اسلام آباد : طاہر القادری آج اہم پریس کانفرنس کریں گے
