لاہور(جیوڈیسک) لاہور ریلوے حکام نے کراچی ایکسپریس سمیت بند کی جانے والی16 مسافر ٹرینیں بحال کردیں۔ یہ ٹرینیں ڈیزل کی کمی کے باعث عارضی طور پر بند کی گئی تھیں۔ جنرل مینجر ریلوے جنید قریشی کا کہنا ہے کہ انہوں نے ڈیزل اوپن مارکیٹ سے خرید لیا ہے۔
جس سے ڈیزل کی کمی دور ہو گئی ہے۔اس لئے بدھ کے روز عارضی بند کی جانے والی تمام مسافر ٹرینوں کو آج سے بحال کر دیا گیا ہے۔ جیونیوز سے گفتگو کرتے ہوئے جنرل مینجرنے کہا کہ اس میں کوئی شک نہیں کہ ریلوے مالی بحران کا شکار ہے۔تاہم محدود وسائل میں عوام کو بہتر سفری سہولتوں کی فراہمی کا سلسلہ جاری رکھا جائے گا۔
پشاور : سیشن جج حملہ کیس ،100 سے زیادہ مشتبہ افراد گرفتار
مقبوضہ کشمیر کے علاقے بارہ مولا کے اسکول میں آگ لگ گئی
