تلہ گنگ کی خبریں 7-2-2013
Posted on February 7, 2013 By Zain Webmaster سٹی نیوز
ماں کا دودھ بچے کے لیے بہترین غذا ہے جو پیدائش سے لے کر چھ ماہ کی عمر تک بچے کی تمام غذائی ضروریات پوری کرنے کے لیے کافی ہے ، ڈاکٹر نثار احمد
تلہ گنگ (خصو صی انٹر ویو ) تلہ گنگ چائلڈ و جنرل فزیشن ڈاکٹر نثار احمد ملک ایم ڈی الممتاز ہسپتال نے ایک خصوصی انٹر ویو دیتے ہوئے کہا کہ ماں کا دودھ بچے کے لیے بہترین غذا ہے جو پیدائش سے لے کر چھ ماہ کی عمر تک بچے کی تمام غذائی ضروریات پوری کرنے کے لیے کافی ہے۔ ماں کے دودھ میں وہ تمام وٹامنز ، پروٹینز ، معدنیات ،نشاستہ وغیرہ موجود ہوتے ہیں جو اس عمر میں بچے کی ضرورت ہوتے ہیں۔ پیدائش کے فوراً بعد سے لے کر پہلے چند دن تک جو دودھ پیدا ہوتا ہے اسے کولسٹرم کہتے ہیں یہ بچے کے نظام انہضام کی نشو و نما میں بہت اہم کر دار ادا کرتا ہے۔ اکثر مائیں اپنے بچوں کو دیر سے اپنا دودھ پلانا شروع کرتی ہیں جو ان کی صحت کے لیے بلکل بھی اچھا نہیں ہے اور بچے کولسٹرم پینے سے محروم رہ جاتے ہیں۔ ڈاکٹر نثار احمد کا مزید کہنا تھا کہ ماں کو چاہیے کہ وہ بچے سے پہلی ملاقات سے ہی ڈیلیوری روم میں دودھ پلانا شروع کر دے۔ چھ ماہ کی عمر تک بچوں کو پانی یا کسی دوسرے جوس کی ضرورت نہیں پڑتی۔ نومولود بچوں کو دن میں آٹھ سے بارہ مرتبہ یعنی ہر دو سے تین گھنٹے بعد دودھ پلانا چاہیے۔چھ ماہ کے بعد ماں اپنے بچے کو ٹھوس غذا دینا شر وع کر ے۔ ماں کے دودھ میں انٹی باڈیز ہوتی ہیں جو بچوں کو بیماریوں سے محفوظ رکھتی ہیں اور ان میں دمہ و الرجی ہونے کے کم چانسز ہوتے ہیں۔ ماں کا دودھ بچے کو نارمل ٹمپریچر پر مہیا ہوتا ہے۔ ان بچوں میں موٹاپا کے بہت کم چانسز ہوتے ہیں۔ ایک ریسریچ کے مطابق ماں کا دودھ پینے والے بچے زیادہ ذہین پائے گئے ہیں۔ ان کا مزید کہنا تھا کہ ماں کا دودھ بچے کے ساتھ ساتھ ماںکی صحت کے لیے بھی بہت مددگار ثابت ہوتا ہے۔ ماں کا وزن جلد کم ہوتا ہے ماؤں میں چھاتی اور بیضہ دانی کے کینسر ہونے کے امکانات کم ہو جاتے ہیں۔ فارمولا دودھ کی نسبت وقت اور پیسے کی بچت بھی ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ نزد موچی والی مسجد محلہ غرب کی بجلی گزشتہ پانچ دن سے غائب واپڈا والے بجلی بحال کرنے کے لیے قاصر عوام سراپا احتجاج
تلہ گنگ (تحصیل رپورٹر) تلہ گنگ نزد موچی والی مسجد محلہ غرب کی بجلی گزشتہ پانچ دن سے غائب واپڈا والے بجلی بحال کرنے کے لیے قاصر عوام سراپا احتجاج ۔ تفصیلات کے مطابق گزشتہ دنوں بارش کے دنوں میں محلہ غرب کی عوام پانچ دن سے گپ اندھیر میں بیٹھی ہیں اور واپڈا حکام ان کی بات سننے کے لیے تیار نہیں۔علاقہ معززین اسحاق ، فہیم ، بابر اعوان ، شاہ نواز اور حافظ مجتبی احمد نے میڈیا کو بتایا ہے کہ ہم نے ایکس واپڈا سے رابطہ کیا تو ان مو صوف کا کہنا تھا کہ میرا کام نہیں بجلی بحال کرنا اور ہماری ایک بات نہ سنی اور فون بند کر دیا۔ ان کا مزید کہنا ہے کہ واپڈا حکام ہمارے ساتھ اند ھیر نگری چوپٹ راج کب تک چلتے رہے گے۔ انہوں نے اعلی حکام کو مطلع کیا ہے کہ اگر ہمارے بجلی چوبیس گھنٹے میں نہ بحال ہوئی توہم ایکس سی این آفس کا گھیراؤ کریں گے اور بین الصوبائی روڈ بند کر دے گئے۔ احتجاج میں اگر کوئی جانی یا مالی نقصان ہوا تو اس کا ذمہ دار واپڈا حکام ہو گا۔ آخر ی اطلاع تک اب تو تک نزد موچی والی مسجد محلہ غر ب کی بجلی بحا ل نہ ہو سکی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او چکوال کاشف مشتاق کانجو کی ہدایت پر پولیس نے مختلف کاروائیوں میں سات سماج دشمن عناصر گرفتار کر کے جیل بھجوا دئیے
تلہ گنگ (تحصیل رپورٹر) ڈی پی او چکوال کاشف مشتاق کانجو کی ہدایت پر پولیس نے مختلف کاروائیوں میں سات سماج دشمن عناصر گرفتار کر کے جیل بھجوا دئیے، پندرہ خطرناک جبکہ پینتالیس عدالتی اشتہاری مجرمان شامل ہیں پولیس کی گزشتہ ماہ جنوری2013ء کی رپورٹ کے مطابق مختلف کامیاب کاروائیوں میں جن میں ناجائز اسلحہ کے33 مقدمات درج کر کے ملزمان کو گرفتار کیا گیا۔ جن کے قبضے سے ایک رائفل ، چار گنز، انیس پسٹلز، سات ریوالور، ایک کاربین اور متعدد روند برآمد کیے گئے۔ اسی طرح منشیات کے41 مقدمات میں10227 گرام چرس،256 بوتل شراب، اور ہیروئن بھی برآمد کیگئی۔ اسی دوران ایک دوسری کاروائی میں شراب پی کر غل غپاڑہ کرنے پر تین افراد کو گرفتار کیا گیا۔ پولیس رپورٹ کے مطابق قمار بازی کے دو مقدمات میں چودہ ملزمان کو گرفتار کر کے ان کے قبضہ سے 1299175روپے کی رقم بھی برآمد کی گئی، رپورٹ میںمزید کہا گیا کہ دو سماج دشمن عناصر گروہ ممتاز گینگ اور صدا گینگ بھی گرفتار کیے گئے جن کے قبضے سے انیس لاکھ روپے کی رقم برآمد کی گئی، پولیس کی سماج دشمن عناصر کے خلاف بروقت کاروائیوں کے نتیجہ میں ڈی پی او چکوال نے ریڈنگ ٹیموں کو تعریفی اسناد دیں۔ اس موقع پر ڈی پی او چکوال کاشف کانجو نے کہا کہ دشمن عناصر کے لیے ضلع چکوال میں کوئی جگہ نہیں ہے۔ انہوںنے کہا کہ چکوال پولیس محدود وسائل ہونیکے باوجود سماج دشمن عناصر کے خلاف کریک ڈائون جاری رکھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرکاری ملازمین کو ان کے واجبات کی ادائیگی کیلیے بروقت کمپیوٹر سسٹم متعارف کروا دیا گیا ہے ، ڈی سی او چکوال احمد عزیز تارڑ
تلہ گنگ (تحصیل رپورٹر) ڈی سی او چکوال احمد عزیز تارڑ نے کہا ہے کہ سرکاری ملازمین کو ان کے واجبات کی ادائیگی کیلیے بروقت کمپیوٹر سسٹم متعارف کروا دیا گیا ہے۔ جس کے ذریعے وہ اپنی پنشن اور دیگر واجبات اپنے گھروں پر وصول پایا کرینگے۔ یہ بات انہوںنے آج ریٹائرڈ سرکاری ملازمین کو ان کے واجبات کے کاغذات اپنے آفس میں پیش کرتے ہوئے کہی۔ اس موقع پر ڈسٹرکٹ اکائونٹ آفیسر چکوال ملک عطا محمد اور دیگر ضلعی افسران بھی موجود تھے۔ اس موقع پر ڈی سی او چکوال نے کہا کہ کمپیوٹر سسٹم کے ذریعے سرکاری ملازمین کو پنشن اور دیگر واجبات کی فی الفور ادائیگی موجودہ حکومت کا ایک اہم کارنامہ ہے اس سے قبل سرکاری ملازمین کو پنشن اور دیگر واجبات کے لیے متعدد مشکلات کا سامنا رہتا تھا۔ جس کے پیش نظر ان تمام مسائل کے حل کے لیے کمپیوٹرائزڈ سسٹم متعارف کروایا گیا ہے۔ اب سرکاری ملازمین کو اپنے واجبات کی وصولی کے لیے کسی قسم کی دقت کا سامنا نہ کرنا پڑیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپو رٹر)تھا نہ ٹمن کا علاقہ جرائم پیشہ افراد کا گڑھ بن گیا ایس ایچ او ٹمن اورپولیس اہلکار جرائم پیشہ افراد کے آگے بے بس ہوگئے۔تفصیلات کے مطابق تھانہ ٹمن میں آئے روز کی بڑھتی ہوئی وارداتوں کی وجہ سے لوگوں کا گھروں سے باہر نکلنا محال ہوچکا ہے۔ملتان خو رد،شا ہ محمد والی ، دندی،بڈ ھیا ل اور دیگر علاقوں میں سرشام ہی ڈکیت گینگ اپنی کاروائیوں میں مصروف ہوجاتے ہیں اور راہگیروں کو اسلحہ کی نوک پر لوٹنا معمول بن چکا ہے۔یہ بات سلطا ن خان ،عظمت حیا ت ،قمر ،سر دار خان نے میڈیا سے بات چیت کرتے ہوئے کہی انہوںنے کہا کہ آئے روز وارداتیں کرکے علاقہ کے مکینوں کا سکون حرام کر رکھا ہے اہلیان علاقہ نے ڈی پی او کا شف مشتا ق کا نجو اور ڈی ایس پی خان افتخا ر الحق خا ن سے اپیل کی ہے کہ تھانہ ٹمن میں کسی ایماندار آفیسر کو تعینات کرکے علاقے کو جرائم سے پاک کیا جائے تاکہ علاقے کے لوگ امن اور سکون کی زندگی گزار سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ پریس کلب میں سیرت کانفرنس کا انعقاد 9 فروری2013 بروز ہفتہ کو ہو گا
تلہ گنگ (تحصیل رپو رٹر) تلہ گنگ پریس کلب میں سیرت کانفرنس کا انعقاد 9 فروری2013 بروز ہفتہ کو ہو گا ممبر قومی اسمبلی سردار ممتاز خان ٹمن مہمان خصوصی ہوں گے۔ تلہ گنگ پریس کلب کے زیر اہتمام سیرت کانفرنس مورخہ 9 فروری2013 بروز ہفتہ دن دو بجے انعقاد ہو رہا ہے جس میں مقررین سیرت النبی پر مقالے، ہدیہ نعت اور درود سلام پیش کرینگے۔ مہمان خصوصی ممبر قومی اسمبلی سردار ممتاز خان ٹمن ہونگے۔ تمام اراکین پریس کلب ، بار، تاجران ، علمائے کرام اور سول سوسائٹی کو مدعو کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب کے مضمون نویسی مقابلوں میں پوزیشن ہولڈر ابھی تک انعامات سے محروم
تلہ گنگ (تحصیل رپو رٹر) حکومت پنجاب کے مضمون نویسی مقابلوں میں پوزیشن ہولڈر ابھی تک انعامات سے محروم ،خادم اعلی نوٹس لیں ،طلبہ و طالبات کا مطالبہ۔تفصیلات کے مطابق گزشتہ سال حکومت پنجاب کے اعلان کے مطابق مضمون نویسی کے مقابلے جات ہوئے جس میں تحصیل ،ضلع اور ڈویژن سطح پر مختلف طلبہ و طالبات نے سخت مقابلوں کے بعد پوزیشنیں حاصل کیں ۔تاہم اتنا عرصہ گزرنے کے باوجود ان طلبہ و طالبات کو ابھی تک انعامات نہیں دیئے گئے ۔پوزیشن ہولڈرز نے خادم اعلی سے فوری نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ شہر میں ٹریفک کے مسائل میں آئے دن اضافہ ہو رہا ہے
تلہ گنگ (تحصیل رپورٹر) تلہ گنگ شہر میں ٹریفک کے مسائل میں آئے دن اضافہ ہو رہا ہے۔ تلہ گنگ کے مین روڈ پر اکژ اوقات ٹریفک کے بے ہنگم بہاؤ سے عوام کی زندگی اجیرن ہو رہی ہے۔ تفصیلات کے مطابق الکرم چوک پر دن 11سے 2 بجے تک ٹریفک کے بہائوکو کنٹرول کر نے کے لئے ٹریفک پولیس کا کو ئی اہلکار نہیں ہوتا جس کی وجہ سے روزانہ گاڑیوں کی لمبی قطار لوگوں کے مسائل کا باعث ہے۔ عوامی اور سماجی حلقوں نے حکام سے اصلاح احوال کی اپیل کی ہے۔ ان حلقوں نے کہا کہ تجاوزات کی بھرماربھی اس ٹریفک جام کی اہم وجہ ہے۔
تحریک اسلامی پاکستان کے نام سے الیکشن میں بھرپور حصہ لیا جائیگا :علامہ مظہر حسین علوی
