تلہ گنگ کی خبریں 10-2-2013
Posted on February 10, 2013 By Zain Webmaster سٹی نیوز
تلہ گنگ (تحصیل رپورٹر) تلہ گنگ موضع چینچی کے بے روزگار نوجوانوں نے آئند الیکشن کا مکمل بائیکاٹ کا اعلان کر دیا اور کہا کہ جو ہمیں روزگار دے گا ہم اس کے سا تھ ہیں۔ تفصیلات کے مطابق چینچی کے نوجوانوں اکثریت میں گریجویٹ ہیں ان کو ابھی تک کوئی باعزت روزگار نہیں دیا گیا۔ نوجوانوں نے بے روزگاری سے تنگ آکر انہوں نے الیکشن کے بائیکاٹ کا اعلان کر دیا اور کہا کہ جب بھی کوئی الیکشن کا مرحلہ آتا ہے تو ایم این اے اور ایم پی اے ووٹ لینے کے لیے نوکری کی لالچ دے کر چلے جاتے ہیں اور جب چینچی کی بھولی عوام اوربھولے نوجوانوں ان کو ووٹ دے کر ان کو بھاری اکثریت کامیابی دلاتے ہیں اور جب نوکری کا مرحلہ آتا ہے تو ٹال مٹول کر ملنا بھی گوارا نہیں کرتے۔ نوجوانوں نے کہا ہے کہ اب پہلے باعزت روزگار اور بعد میں ووٹ دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مکہ مکرمہ میں مکین دودیال کی میال برداری نے سیرت النبی صلی اللہ علیہ وآلہ وسلم کانفرنس کا انعقاد کیا
تلہ گنگ (تحصیل رپورٹر) مکہ مکرمہ میں مکین دودیال کی میال برداری نے سیرت النبی صلی اللہ علیہ وآلہ وسلم کانفرنس کا انعقاد کیا۔ جس میں حاجی جمیل ،حاجی آصف بلوچ ،ملک نثار احمد دودیا ل ، عز یز الرحمن ،ملک دانش نعیم، بابر شہزاد ، میال ،حاجی عابد ،قاضی خان محمد ،ملازم حسین نے شرکت کی۔ سیرت النبی صلی اللہ علیہ وآلہ وسلم کانفرنس کے شرکاء سے حاجی شاکر سیالوی نے خصوصی خطاب کیا۔ سیر ت النبی صلی اللہ علیہ وآلہ وسلم کانفرنس کی دعائی تقریب میں ملک فیروز دودیال کی ہدایت پر ملک سیلم اقبال کی صحت یابی کی خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مکہ مکرمہ میں ملک محی الدین نے ملک سیلم اقبال کی صحت یابی کے لیے خصوصی دعا کی
تلہ گنگ (تحصیل رپورٹر) مکہ مکرمہ میں ملک محی الدین نے ملک سیلم اقبال کی صحت یابی کے لیے خصوصی دعا کی اور کہا کہ ملک سیلم اقبال ضلع چکوال میں مسلم لیگ ن کا ایک قیمتی اثاثہ ہیں اور مسلم لیگ ن کاہر ورکر ملک سیلم اقبال کی صحت یابی کے لیے دعا گو ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت ہر محاذ پر ناکام ہوچکی ہے داخلہ اور خارجہ پالیسیاں ملک و قوم کو تباہی کی طرف لے جارہی ہیں پاکستان عالمی سطح پر تنہا ہو کر رہ گیا ہے ، نبیلہ طارق بٹ
تلہ گنگ (تحصیل رپورٹر) مسلم لیگ ن کی ایڈیشنل انفارمیشن سیکرٹری نبیلہ طارق بٹ نے ملک ارشد کو ٹگلہ سے بات چیت کر تے ہوئے کہا ہے کہ حکومت ہر محاذ پر ناکام ہوچکی ہے داخلہ اور خارجہ پالیسیاں ملک و قوم کو تباہی کی طرف لے جارہی ہیں پاکستان عالمی سطح پر تنہا ہو کر رہ گیا ہے۔ الیکشن کا انعقاد بے حد ضروری ہے او ر اگر الیکشن کو التوا میں ڈالنے کی سازش کی گئی تو مسلم لیگ ن اپنے لائحہ عمل کا اعلان کر کے ایسی ہر سازش کو ناکام بنادے گی انہوںنے کارکنوں پر زور دیا کہ وہ الیکشن مہم شروع کردیں اور گھر گھر جا کر مسلم لیگ کیلئے ووٹ مانگیں نبیلہ طارق کا مز ید کہنا تھا کہ مسلم لیگ ن ملک کی سب سے بڑی پارٹی ہے جو آئندہ انتخابات میں ملک کے چاروں صوبوں اور مرکز میں کامیابی حاصل کر کے حکومت تشکیل دے گی اور مسلم لیگ ن کے صدر میاں محمد نواز شریف آئندہ ملک کے وزیر اعظم ہونگے انہوںنے کہا کہ زرداری حکومت کا راستہ نہ روکا گیا تو یہ ملک کے لئے خطرناک ہوگا لہذاتمام جمہوری قوتوں کو چاہیے کہ وہ ملک کی بقا سالمیت اور جمہوریت کو مضبوط بنانے کیلئے ایک پلیٹ فارم پر متحد ہو جائیں ورنہ سنگین اثرات مرتب ہونگے انہوںنے کہا کہ پیپلز پارٹی اور اس کے اتحادیوںنے ملک میں قوم کو مہنگائی ، بے روزگاری اور لوڈ شیڈنگ کے سوا کچھ نہیں دیا انشاء اللہ مسلم لیگ ن کے قائد میاں محمد نواز شریف کی قیادت میں عوام کے تمام مسائل حل کئے جائیں گے۔
