پاکستان اے کرکٹ ٹیم نے افغانستان کو ون ڈے میچ میں آٹھ وکٹوں سے شکست دے دی ہے۔ وہاب ریاض کو اٹھارہ رنز کے عوض تین وکٹیں حاصل کرنے پر مین آف دی میچ قرار دیا گیا۔
قذافی اسٹیڈیم میں کھیلے گئے ون ڈے پریکٹس میچ میں افغانستان کی ٹیم پہلے بیٹنگ کرتے ہوئے ایک سو بائیس رنز پر ڈھیر ہو گئی۔ محمد شہزاد تینتیس اور محمد جاوید تیئس رنز بنا کر نمایاں رہے۔ وہاب ریاض، شاہد آفریدی اور ذوالفقار بابر نے تین تین کھلاڑیوں کو آوٹ کیا۔
جواب میں پاکستان نے مطلوبہ ہدف سولہویں اوور میں دو وکٹ پر حاصل کر لیا۔ عمر اکمل سینتالیس اور شان مسعود انتیس رنز بنا کر ناٹ آوٹ رہے جبکہ خرم منظور نے بھی اکتالیس رنز کی عمدہ اننگز کھیلی۔ مین آف دی میچ وہاب ریاض کا کہنا تھا کہ وہ اپنی اچھی کارکردگی سے قومی ٹیم میں واپسی کے لئے پرامید ہیں۔
ڈیوس کپ، جمہوریہ چیک کی آسٹریلیا کیخلاف برتری
ویمنز ورلڈ کپ : ویسٹ انڈیز نے کیویز کو 48 رنز سے ہرا دیا
