پیرمحل : ہم حلقہ این اے 94 سے منتخب ہوکر حلقہ کی تقدیر بدل دیں گے۔پیر سید قطب علی شاہ

Posted on February 16, 2013 By Majid Khan سٹی نیوز

پیرمحل ( میاں اسد حفیظ)پیر سید قطب علی شاہ المعروف علی بابا امیدوار قومی اسمبلی این اے 94 نے دربار عالیہ قطبیہ سندھ یلیانوالی پر ملک بھر سے آئے ہوئے ہزاروں عقیدت مندوں کے ایک اجلاس سے خطاب کرتے ہوئے کیا انہوں نے کہا کہ ہم حلقہ این اے 94سے منتخب ہوکر حلقہ کی تقدیر بدل دیں گے۔ انہوں نے کہا کہ حلقہ این اے 94 کسی کی ذا تی جاگیر نہیں آنیوالی تبدیلی کاراستہ نہیں روکا جا سکے گا عوام انتہائی باشعور ہیں ،دربار عالیہ قطبیہ کا منشور ملک وقوم کو اندھیروں سے نکال کر ترقی و خوشحالی کی راہ پر گامزن کرناہے پاکستان اٹھارہ کروڑ عوام کا ہے انہوں نے کہا الیکشن 2013میں گرینڈ الائنس کے ذریعے حلقہ این اے 94 میں کلین سویپ کر ے گی۔

انہوں نے کہا کہ ہم نے اب تک کسی بھی پارٹی کی حمایت نہیں کی اور آنے والے دنوں میں ہمارا گروپ فیصلہ کر ے گا۔ انہوں نے کہا کہ ہم عام انتخابات کا وقت پر انعقاد چاہتے ہیں صاف شفاف الیکشن ہی ملک و قوم کو بحرانوں سے نکال سکتے ہیں جس کے لیے ہم نے باقاعدہ تیاریاں شروع کر دی ہیں۔ پیرسید ابرار حسین شاہ کی قیادت میں گروپ کو فعال او رمنظم کرر ہے ہیں، ملک میں دربار قطبیہ کے حمایت یافتہ گروپوں کو سپورٹ کریں گے، اس موقع پر ہزاروں مریدین اور عقیدت مندوں نے اپنی حمایت کا اعلان بھی کیا۔

by Majid Khan

Nasir Mehmood - Chief Editor at GeoURDU.com