گجرات کی خبریں 19-02-2013
Posted on February 20, 2013 By Noman Webmaster گجرات
منہاج القرآن کے زیر اہتمام مقامی میرج ہال میں ماہانہ درس قرآن منعقد ہو ا
گجرات (جی پی آئی)منہاج القرآن کے زیر اہتمام مقامی میرج ہال میں ماہانہ درس قرآن منعقد ہو ا ، جس میں ممتاز عالم دین علامہ پروفیسر مظہر حسین قادری نے درس قرآن دیا اور موجودہ حالات کی روشنی میں مختلف مسائل پر روشنی ڈالی اس موقع پر ممتاز ثناء خوانِ رسول صلی عیلہ اللہ وآلہ وسلم نسیم احمد چشتی ، میاں اعظم انصاری ، میاں ناظم انصاری کے ایصال ثواب کیلئے فاتحہ خوانی کی گئی اور رفاقت حاصل کرنے والے خواتین و حضرات میں اسناد تقسیم کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آستانہ عالیہ شیخ پور شریف کے تاجدار میاں محمد پناہ رحمتہ اللہ تعالیٰ علیہ کے مرید میاں جان محمد کے سجادہ نشین سائیں بہادر بخش جو کہ گزشتہ دنوں رضائے الٰہی سے انتقال کر گئے تھے
گجرات (جی پی آئی)آستانہ عالیہ شیخ پور شریف کے تاجدار میاں محمد پناہ رحمتہ اللہ تعالیٰ علیہ کے مرید میاں جان محمد کے سجادہ نشین سائیں بہادر بخش جو کہ گزشتہ دنوں رضائے الٰہی سے انتقال کر گئے تھے ، مرحوم کی روح کے ایصال ثواب کیلئے ختم قل کی محفل منعقد ہوئی ، جس سے ممتاز عالم دین علامہ محمد شاہد چشتی نے خصوصی خطاب کیا ، نقابت کے فرائض عالمی نقیب محفل خاور بشیر بٹ گولڑوی نے سرانجام دئیے ، اس موقع پر علاقہ کی ممتاز شخصیات کی کثیر تعداد نے شرکت کی ، مرحوم کے ختم دسواں کی محفل 24فروری کو شیخ پور میں منعقد ہو گی ، دوست احباب سے شرکت کی استدعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما ایم این اے ملک محمد حنیف اعوان نے سینئر صحافی اور چیف ایڈیٹر GPIڈاکٹر رزاق احمد غفاری سے ان کی بھانجی کی
گجرات (جی پی آئی)پاکستان مسلم لیگ ن کے راہنما ایم این اے ملک محمد حنیف اعوان نے سینئر صحافی اور چیف ایڈیٹر GPIڈاکٹر رزاق احمد غفاری سے ان کی بھانجی کی وفات پر اظہار تعزیت کیا ہے اور کہا ہے کہ ہم آپ کے دکھ میں برابر کے شریک ہیں ، اللہ تعالیٰ سے دعا ہے کہ اللہ تعالیٰ مرحومہ کو جوارِ رحمت اور اہل خانہ کو صبر جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے گجرات کے مکینک مستری زاہد گزشتہ روز رضائے الٰہی سے وفات پا گئے
گجرات (جی پی آئی)ٹی ایم اے گجرات کے مکینک مستری زاہد گزشتہ روز رضائے الٰہی سے وفات پا گئے ، مرحوم کو قبرستان چاہ ترہنگ میں سپرد خاک کر دیا گیا ، نماز جنازہ میں چیف آفیسر فیاض احمد ، TOFمیاں آفتاب ، پاک ایمپلائز یونین کے فراست حسین ڈار ، مرزا شاہد رشید ، ٹی ایم او وزیرآباد سید فراز مہدی ، طارق گل ، اعجاز احمد فائر آفیسر ، پیرزادہ امتیاز سید ، حاجی اصغر تیل والے ، ملک خرم ، راجہ عظمت ، ارشد شاہ ، ثناء اللہ بٹ ، رانا مشرف علی ناز ، انور شیخ اور دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ کوئٹہ کے خلاف گجرات میں تیسرے روز بھی احتجاجی مظاہرہ کیا گیا
گجرات (جی پی آئی)سانحہ کوئٹہ کے خلاف گجرات میں تیسرے روز بھی احتجاجی مظاہرہ کیا گیا ، مظاہرین نے ہریانوالہ چوک میں دھرنا دے کر جی ٹی روڈ کئی گھنٹے تک بلاک کیے رکھا ، گزشتہ روز مجلس وحدت مسلمین ،تحریک انصاف ، عوامی تحریک ، منہاج القرآن ،شیعہ ایکشن کمیٹی سمیت مختلف مذہبی و سیاسی جماعتوں کے عہدیداروں اور کارکنوں نے شرکت کی اور سانحہ کوئٹہ کے متاثرین سے اظہار یکجہتی کیا ، ا س موقع پر تمام مکاتب فکر کے علمائے کرام سیاسی سماجی راہنمائوں نے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پروفیسر ڈاکٹر علی حیدر جنہیں گزشتہ دنوں قتل کر دیا گیا تھا کی غائبانہ نماز جنازہ عزیز بھٹی شہید ہسپتال کے پارک میں ادا کی گئی
گجرات (جی پی آئی) پروفیسر ڈاکٹر علی حیدر جنہیں گزشتہ دنوں قتل کر دیا گیا تھا کی غائبانہ نماز جنازہ عزیز بھٹی شہید ہسپتال کے پارک میں ادا کی گئی ،اور مرحوم کی روح کے ایصال ثواب کیلئے دعا مغفرت کی گئی ،نماز جنازہ میں ڈاکٹر سعود افضل صدر YDAگجرات ،ڈاکٹر ایاز ناصر جنرل سیکرٹری YDA، ڈاکٹر شیراز ملک ، ڈاکٹر عبدالقیوم ،ڈاکٹر آصف بخاری ، ڈاکٹر نعیم اخترجنجوعہ آف لالہ موسیٰ ،ڈاکٹر سید بابر حسنین ،ڈاکٹر کیپٹن غلام عباس ظفر ،ڈاکٹر افضل چوہدری ، ڈاکٹر ضمیر بٹ ، ڈاکٹر محمود اقبال ، ڈاکٹر سید مزمل حسین ،ڈاکٹر ظفر وڑائچ ، اقتدار بیگ ، ڈاکٹر آصف محمود ، ڈاکٹر اظہر محمود ، ڈاکٹر شہزاد احمد ، ڈاکٹر سید محسن علی ،ڈاکٹر سید مجتبیٰ حیدر ، ڈاکٹر عمران حفیظ جنرل سیکرٹری پی ایم اے سٹی ،ڈاکٹر نذیر احمد ، پروفیسر ڈاکٹر عابد بشیر ،ڈاکٹر زاہد حسین شیرازی ، ڈاکٹر عبدالمصطفیٰ ،ڈاکٹر طارق محمود ،ڈاکٹر محمود الحسن ، ڈاکٹر فیصل وڑائچ ، ڈاکٹر احتشام الحق سیکرٹری اطلاعات YDA،ڈاکٹر حسین ، ڈاکٹر فلک شیر ،چوہدری عبدالرشید پگانوالہ ، ڈاکٹر مقصود زاہد و دیگر عزیز بھٹی شہید ہسپتال کے ڈاکٹرز نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
پروفیسر ڈاکٹر علی حیدر کے بہیمانہ قتل کیخلاف YDAگجرات کے ڈاکٹرز اور عزیز بھٹی شہید ہسپتال کے ڈاکٹرز سمیت ضلع بھر کے ڈاکٹرز نے کالیاں پٹیاں باندھ کر بھرپور احتجاج کیا
گجرات (جی پی آئی) پروفیسر ڈاکٹر علی حیدر کے بہیمانہ قتل کیخلاف YDAگجرات کے ڈاکٹرز اور عزیز بھٹی شہید ہسپتال کے ڈاکٹرز سمیت ضلع بھر کے ڈاکٹرز نے کالیاں پٹیاں باندھ کر بھرپور احتجاج کیا ، اور اس واقعہ کی شدید مذمت کرتے ہوئے ڈاکٹرز نے ان کے قاتلوں کو جلد از جلد گرفتار کرنے کا مطالبہ کیا ، احتجاج سے خطاب کرتے ہوئے صدر YDAگجرات ڈاکٹر سعود افضل ، ڈاکٹر غلام عباس ظفر ، ڈاکٹر افضل چوہدری اور ڈاکٹرنعیم اختر جنجوعہ نے کہا کہ ڈاکٹر علی حیدر کا قتل نہ صرف ڈاکٹرز کمیونٹی بلکہ معاشرے کے دوسرے افراد کے لیے لمحہ فکریہ ہے کیونکہ کراچی کی طرح لاہور میں بھی اب ٹارگٹ کلنگ کے آغاز ہوتا نظر آ رہا ہے ، انہوںنے کہا کہ مرحوم ڈاکٹر علی حیدر کی کمی ڈاکٹرز کمیونٹی کو جہاں اشک بار کر رہی ہے ،وہی ڈاکٹرز میں عدم تحفظ کی ایک عجیب کیفیت پیدا ہو گئی ہے ، انہوںنے کہا کہ ہم اس واقع کی بھرپور مذمت کرتے ہیں اور اعلیٰ افسران سے مطالبہ کرتے ہیں کہا کہ قاتلوں کو جلد گرفتار کیا جائے ، انہوںنے کہا کہ جلد ڈاکٹرز کمیونٹی کے تحفظ کے لئے لائحہ عمل احتیار کیا جائیگا ، اور کمیونٹی کے تحفظ کے لئے موثر اقدامات کیے جائیں گے ، انہوںنے کہا کہ بہت جلد ہر مکتبہ فکر سے تعلق رکھنے والے افراد کو شامل کرتے ہوئے ڈاکٹرز کمیونٹی کا کنونشن کیا جائیگا ، جس میں YDAکی خدمات پیش پیش ہونگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
شاہ جہانگیر روڈ پر نامعلوم افراد نے فائرنگ کر کے نوجوان کو موت کے گھاٹ اتار دیا اور فرار ہو گئے
گجرات (جی پی آئی)شاہ جہانگیر روڈ پر نامعلوم افراد نے فائرنگ کر کے نوجوان کو موت کے گھاٹ اتار دیا اور فرار ہو گئے ، پولیس تھانہ سول لائن نے مقدمہ درج کر لیا ، بتایا ہے کہ نت کے رہائشی شہزاد حیدر نت رات اڑھائی بجے کے قریب شاہ جہانگیر روڈ نزد بولے سٹاف سے گزر رہے تھے کہ نامعلوم افراد نے ان کی گاڑی پر فائرنگ کر کے انہیں قتل کر دیا اور فرار ہو گئے پولیس نے نعش پورسٹ مارٹم کے بعد نامعلوم افراد کے خلاف ان کے بھائی فواد حیدر کی رپورٹ پر مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
عزیز بھٹی شہید ہسپتال گجرات میں گردوں کی صفائی کرنے والی مشین اچانک خراب ہو جانے کے بعد گردوں کے عارضہ میں مبتلا مریضوں کو شدید مشکلات کا سامنا کرنا پڑرہا ہے
گجرات (جی پی آئی)عزیز بھٹی شہید ہسپتال گجرات میں گردوں کی صفائی کرنے والی مشین اچانک خراب ہو جانے کے بعد گردوں کے عارضہ میں مبتلا مریضوں کو شدید مشکلات کا سامنا کرنا پڑرہا ہے ، جبکہ بعض غریب مریض پرائیویٹ ہسپتالوں میں مہنگے داموں اپنا علاج کروانے پر مجبور ہو گئے ہیں ، یاد رہے کہ عزیز بھٹی شہید ہسپتال گجرات میں تقریباً دو ہفتوں سے گردوں کی صفائی کی مشین خراب پڑی ہے مگر کوئی اس طرف توجہ نہیں دے رہا ، جبکہ گردے واش کروانے مریض مشین کی خرابی کے باعث دنیا فانی سے کوچ بھی کر گئے ہیں ، مگر انتظامیہ اس طرف کوئی توجہ نہیں دے رہی ، گجرات کے عوامی حلقوں نے وزیراعلیٰ پنجاب ، ڈی سی او گجرات اور منتخب نمائندوں سے مطالبہ کیا ہے کہ عزیز بھٹی شہید ہسپتال میں گردوں کی مشین کو فوری درست کرایا جائے تا کہ غریب مریض اپنا علاج جاری رکھ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
کستان مسلم لیگ ن کے رہنماء محمد افضل ٹوپہ نے کہاہے کہ ضلع گجرات میں مسلم لیگ ن کا ووٹ بینک ہے
گجرات (جی پی آئی)پاکستان مسلم لیگ ن کے رہنماء محمد افضل ٹوپہ نے کہاہے کہ ضلع گجرات میں مسلم لیگ ن کا ووٹ بینک ہے اور اہل گجرات ن لیگ کی قیادت پر اعتماد کرتے ہیں میاں برادران اور ن لیگ کے ورکر محب وطن ہیں انہوں نے کہا کہ گجرات میں پارٹی قیادت میں حلقہNA-105اور پی پی111کیلئے امیدواروں کااعلان کر دینا چاہیے تاکہ انتخابات کی تیاریاں کی جائیںانہوں نے کہا کہ ن لیگ پاکستان کی سب سے بڑی جماعت ہے اور سروے کے مطابق انشاء اللہ عام انتخابات میں ن لیگ بھاری اکثریت سے کامیابی حاصل کرے گی انہوں نے کہاکہ گجرات میں نواز شریف میڈیکل کا لج کا قیام ، حسن پلازہ کی تعمیر اور دیگر کارنامے مسلم لیگ ن کی کامیابی کاواضح ثبوت ہیں انہوں نے کہا کہ پیپلز پارٹی کی حکومت ناکام ہو چکی ہے پانچ سال میں انہوں نے عوام کوکچھ نہیں دیا ڈرون حملے موجودہ حکومت کی مرضی سے ہو رہے ہیںکوئٹہ میں دہشتگردی کی لہر پورے ملک میں دوڑ گئی ہے عوام پریشان ہیں انہوںنے کہا کہ گذشتہ روز کوئٹہ میں ہونے والی ہلاکتوں نے پورے پاکستان کو ہلا کر رکھ دیا ہے ہم سانحہ کوئٹہ کے لواحقین کے غم میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے رہنماء چوہدری سلیم سرور جوڑا نے کہا ہے کہ سانحہ کوئٹہ سے حکومت کی مزید نااہلی واضح ہو چکی ہے
گجرات (جی پی آئی)حکمرانوں کو چاہیے کہ وہ خود ہی مستعفی ہو جائیں اور اپنی نااہلی کو تسلیم کریں اپنے آفس میں میڈیا کے نمائندوں سے گفتگو کرتے ہوئے انہوں نے کہاکہ پاکستان تحریک انصاف کے کارکنان کوئٹہ میں خود کش حملہ میں جاں بحق ہونے والے افراد کے غم میں برابر کے شریک ہیں انہوں نے کہا کہ کوئٹہ کو فوج کے حوالے کردینا چاہیے گورنر راج کے باوجود بلوچستان میں قتل عام جاری ہے ہزارہ برادری کا فوج بلانے کا مطالبہ آئین کے مطابق ہے حکومت سانحہ کوئٹہ میں ہلاک ہونے والوں کے ورثاء کی مالی عیانت اور کفالت کی ذمہ داری لیں چوہدری سلیم سرور جوڑا نے کہاکہ آج پوری قوم سانحہ کوئٹہ پر دکھی ہے اور عوام کے سر شرم سے جھک گئے ہیں انہوں نے کہا کہ پاکستان کو مہذب قوموں میں زندہ رہنا ہے تو آگ اور خون کا کھیل کھیلنے والوں کاکڑامحاسبہ ہونا چاہیے چاہے وہ کوئی بھی ہو کوئٹہ اور دیگر علاقوں میں ان کاروائیوں کو نہ روکا گیا تو حالات مزید بگڑ جائینگے۔
