پرویزمشرف دورِ حکومت میں عوام کو جان مال کا تحفظ اور معاشی خوشحالی و آسودگی حاصل تھی
Posted on February 25, 2013 By Noman Webmaster کراچی
کراچی : پرویز مشرف کی وطن واپسی کے ساتھ ہی پاکستان میں سیاسی فضا تبدیل ہوجائے گی کیونکہ پرویز مشرف نے اپنے دورِاقتدار میں کرپشن سے پاک نظام حکومت کے ذریعے وطن عزیز کو جس طرح سے معاشی و اقتصادی طور پر مضبوط و مستحکم اور پر امن و خوشحال بنایا اس نے عوام کے دلوں میں پرویز مشرف کو اَمر کردیا ہے اور پاکستان کے عوام ایکبار پھر پرویز مشرف کا اقتدار چاہتے ہیں کیونکہ ان کے دور میں نہ صرف عوام کو جان و مال کا تحفظ حاصل تھا بلکہ صنعت و حرفت اور تجارت و کاروبار کا پہیہ بھی پوری رفتار سے چل رہا تھا۔
جس سے عوام معاشی طور پر خوشحال و آسودہ تھے اور عوا م آج پھر اسی خوشحالی و امن کیلئے مشرف کو دوبارہ اقتدار میں لانا چاہتے ہیں ۔آل پاکستان مسلم لیگ سندھ کے انفارمیشن سیکریٹری طاہر حسین نے کراچی پریس کلب میں میڈیا نمائندگان سے گفتگو کرتے ہوئے کہا کہ پاکستان کے عوام مشرف کے ساتھ ہیں پرویز مشرف کے وطن واپس آتے ہی لوگ ان کی محبت میں گھروں سے نکل آئیں گے۔
فوج کی نگرانی میں غیر جانبدارانہ و منصفانہ انتخابات ہوئے تو لوگ پرویز مشرف پر اعتماد کا اظہار کرکے آل پاکستان مسلم لیگ کو ہی اقتدار میں لائیں گے کیونکہ پرویز مشرف اورآل پاکستان مسلم لیگ کا اقتدار ہی وطن و عوام کو بحرانوں اور مسائل و مصائب سے نکال کر خوشحال و محفوظ مستقبل کی جانب لے جاسکتا ہے۔
سندھ : سی این جی اسٹیشن آج شام سات بجے سے بند ہونگے
عوامی خدمت ہمارا شعار ہے۔ قائد تحریک الطاف حسین کی قیادت میں عوام کو دہلیز پر سہولتوں کی فراہمی کو یقینی بنا ئیں گے۔نشاط ضیاء قادری
