آزاد یوتھ ونگ ہار اور جیت دونوں صوتوں میں عزیز میمن کی قیادت میں سرگرم رہے گی
Posted on February 27, 2013 By Noman Webmaster کراچی
کراچی( جی پی آئی)آ ل پاکستان میمن فیڈریشن کی جانب سے منعقد ہونے والے میمن یوتھ ونگ کے انتخابات برائے 2013 کے سلسلے میں نعمان وڈیرا کی قیادت میں آزاد یوتھ پینل تشکیل دے دیا گیا ہے جو کہ نوجوانوں میں نئے انداز میں فلاحی کاموں کو فروغ دینے اور انکو بید ار کرنے میں اپنی تمام تر توانائیاں صرف کرے گا ۔ پینل کے ترجمان نے گزشتہ روز اپنے بیان میں کہا ہے کہ انتخابات جمہوری عمل ہوتا ہے۔
ہم جمہوریت کو فروغ دینے کیلئے الیکشن میں حصہ لیں گے اور اس سلسلے میں ہمار ا کسی خاص گروپ یا شخصیت سے کوئی تعلق نہیں ہمار ا پینل آزادنہ طور پر تمام میمن جماعتوں کے نوجوانوں پر مشتمل ہے اور اپنی مدد آپ کے تحت ہم الیکشن کا حصہ بن رہے ہیں اور یہ تمام نوجوان نہایت سرگرم سوشل ورکر ز ہیں اور میمن فیڈریشن کی موجودہ قیادت پر مکمل اعتماد رکھتے ہوئے انکے شانہ بشانہ الیکشن جیتنے اور ہارنے دونوں صورتوں میں اپنی سرگرمیوں میں ثابت قدم رہیں گے۔
اپنے لیڈر عزیز میمن کی ہر آواز پر لبیک کہتے ہوئے نوجوانوں کی قیادت کریں گے ۔ترجمان نے یہ بھی بتایا کہ ہم الیکشن میں حصہ لینے والے کسی دوسرے پینل کے مخالف نہیں ہیں اگر وہ باقاعدہ انتخابات کے ذریعے جیتں یا ہاریں ہماری خدمات ہر صورت میں سب کے ساتھ ہونگی بشرطیکہ میمن نوجوانوں کی فلاح و بہبود اور انکی ترقی کیلئے ثابت قدمی ہونی چاہیے۔
کراچی پورٹ کے قریب فائرنگ،نیول افسر زخمی
