صدر آصف علی زرداری آج ایران سے کوئٹہ پہنچیں گے، ان کے مختصر قیام کے دوران بلوچستان میں گورنر راج کے خاتمے کا اعلان متوقع ہے۔
صدر آصف علی زرداری بلوچستان اسمبلی کے ارکان سے بھی ملاقات کریں گے اور صوبے میں گورنر راج کے خاتمے کے حوالے سے مشاورت کی جائے گی۔ پیپلزپارٹی کے ذرائع کے مطابق بلوچستان میں گورنر راج کے خاتمے کے بعد نئے قائد ایوان کیلئے پیپلزپارٹی کے صوبائی صدر میرصادق عمرانی اور عبدالرحمان جمالی کے نام زیرغور ہیں۔
تاہم گورنر راج کے خاتمے کا نوٹیفکیشن صدر کے اسلام آباد پہنچنے پر جاری کیا جائے گا جس کے بعد گورنر بلوچستان ایوان کو نئے قائد ایوان کے انتخاب کیلئے سمری بھیجیں گے۔
مہمند ایجنسی میں مزید چار سکولوں کو بارودی مواد سے اڑا دیا گیا
کراچی بدامنی کیس، سپریم کورٹ میں آج چوتھے روز بھی سماعت ہو گی
