الیکشن کے التوا کی سازشیں کامیاب نہیں ہوں گی : عظیم سرور بٹ
Posted on February 28, 2013 By Noman Webmaster سٹی نیوز
کھاریاں(جی پی آئی) الیکشن کے التوا کی سازشیں کامیاب نہیں ہوں گی،اس ملک کے مسائل صالح اور آزمودہ قیادت ہی حل کرا سکتی ہے، میاں شہباز شریف کی قیادت میں عوامی حکومت نے پاکستان کی تاریخ میں پہلی بار کرپشن اور کمیشن سے مبرا ترقیاتی کام مکمل کرا کر ایک نئی تاریخ رقم کی ہے۔
ان خیالات کا اظہارممتاز مسلم لیگی نوجوان رہنما عظیم سرور بٹ نے ایک خصوصی ملاقات میں صحافیوں سے کیا انہوں نے کہا کہ عوام کے مسائل وہی قیادت حل کرا سکتی ہے جن کا عوام سے رابطہ ہوگا، انشا اللہ میرے دروزے بلاتفریق سب کیلئے کھلے ہیں۔ ان کا کہنا تھا کہ میں میاں برادران کا ادنی سپاہی ہوں اور عوامی خدمت ہی میری سیاست کا محور ہے۔ اس موقع پر کھاریاں کے نوجوانوں اور تاجروں کی کثیر تعداد بھی موجود تھی۔
