چمن(جیوڈیسک) میں بوغرہ روڈ برف کارخانے کے قریب سے لیویز نے تین لاشیں برآمد کرلی ہیں۔ اسسٹنٹ کمشنر لیویز حبیب اللہ موسی خیل نے اے آر وائی نیوز کو بتایا کہ تینوں افراد کو فائرنگ کرکے قتل کیا گیا ہے ۔
ان کے مطابق ان افراد کو چار ہفتے قبل اغوا کیا گیا تھا جن کی لاشوں کو پوسٹ مارٹم کے لئے اسپتال منتقل کردیاگیا۔ہلاک ہونے والے افراد کے پاوں کو زنجیریں ڈال کر تالے لگائے گئے ہیں۔
ذرائع نے اے آر وائی نیوز کو بتایا کہ ہلاک ہونے والے افراد میں سے ایک ملا حیات کا تعلق ٹارگٹ گلرز گروپ سے ہے جو کوئٹہ سمیت مختلف مقامات پر قتل کے مقدمات میں مطلوب تھا اور وہ کوئٹہ میں ٹارگٹ ہونے والے عالم دین مفتی رحمت اللہ کے قتل میں بھی ملوث تھا۔لیویز نے پوسٹ مارٹم کے بعد لاشیں ورثا کے حوالے کردی ہیں ۔
فاٹا میں امن کے لیے جے یو آئی کی کل جماعتی کانفرنس شروع
پارلیمانی کمیٹی کے وفد کی چیف الیکشن کمشنرسے ملاقات
