عالمی نمبر ایک سربیا کے نوواک جوکووچ اور جمہوریہ چیک کے ٹوماس برڈچ کے درمیان کھیلا جائے گا۔ دبئی میں کھیلے جانے والے ایونٹ میں عالمی نمبر ایک سربیا کے نوواک جوکووچ کی فتوحات کا سلسلہ جاری ہے۔
پہلے سیمی فائنل میں جوکووچ نے روایتی کھیل کا مظاہرہ کرتے ہوئے ارجنٹائن کے یوآن مارٹن ڈیل پوترو کو زیر کیا۔ سرب کھلاڑی کی فتح کا اسکور چھ تین اور سات چھ رہا۔ دوسرے میچ میں جمہوریہ چیک کے ٹوماس برڈچ نے ریکارڈ گرینڈ سلم ونر سوئٹزرلینڈ کے راجر فیڈرر کو تین سیٹ کے مقابلے کے بعد شکست دے کر ایونٹ سے باہر کردیا۔
سوئس کھلاڑی نے پہلا سیٹ تین چھ سے جیت کر برتری حاصل کی۔ جس کے بعد برڈچ نے کم بیک کیا اور یک کے بعد دیگرے دونوں سیٹس سات چھ اور چھ چار سے جیت کر فائنل کے لئے کوالیفائی کرلیا۔ ادھر اسپین کے ڈیوڈ فیرر نے مسلسل چوتھی مرتبہ میکسیکو ٹینس ٹورنامنٹ کے فائنل کے لئے کوالیفائی کرلیا۔ اسپینش کھلاڑی نے سیمی فائنل میں اٹلی کے فیبیو فوگنینی کو چھ تین، سات چھ اور چھ ایک سے مات دی۔
پاکستان اورجنوبی افریقہ کا دوسرا ٹی ٹوئنٹی کل ہو گا
پاکستان اورجنوبی افریقہ کے درمیان دوسرا اور آخری ٹی 20 آج ہوگا
