کولمبو(جیوڈٰسک)سری لنکا کے سابق آرمی چیف ویراسوریا نے کہا ہے کہ سری لنکن فوج بدامنی کے خلاف جنگ میں پاکستان کی مدد کرسکتی ہے،سرلنکا کی مفید حکمت عملی پاکستان میں بھی کام آسکتی ہے۔ ایک انٹرویو میں سابق آرمی چیف ویراسوریا نے کہا ہے کہ ان کی فوج بدامنی کے خلاف جنگ میں پاکستان کی مدد کرسکتی ہے۔ سری لنکا میں مفید ثابت ہونے والی حکمت عملی پاکستان میں بھی کام آسکتی ہے۔
ویرا سوریا نے سرحد پار سے غیر ملکی دہشت گردوں کو پاکستان میں داخل ہونے سے روکنے پر زوردیا۔ ان کاکہنا تھا کہ پاک فوج کچھ علاقوں کو نو فلائی زون قرار دے کر وہاں شہریوں کو جمع کرلے۔ اور پھر شورش زدہ علاقوں میں آپریشن کرے۔ تاہم انہوں نے اس بات کو تسلیم کیا کہ پاکستان کی سیاسی اورجغرافیائی صورتحال سری لنکا سے قدرے مختلف ہے۔ انٹرویو کے دوران انہوں نے میں پاک فوج کوجنوبی ایشیا کی بہترین فوج قرار دیا۔
کینیا میں انتخابات، جھڑپ میں12 افراد ہلاک
پاکستان اور افغانستان ایک ہی آگ میں جل رہے ہیں،حامد کرزئی
