ممبئی(جیوڈیسک)این جی ٹی 1983 کی سپرہٹ بالی ووڈ فلم ہمت والا کا ریمیک بہت جلد سینما گھروں کی زینت بننے والا ہے جسکے نئے گانے”تاکی او تاکی”کی وڈیو بھی جاری کردی گئی ہے۔بالی ووڈ کی مقبول جوڑی سری دیوی اور جتندرا کی بلاک بسٹر فلم “ہمت والا”کے ریمیک کے لیے فلمساز و ہدایتکار ساجد خان نے اجے دیوگن اور تامل ہیروئن تمنا بھاٹیا کو ہیرو ہیروئن چنا ہے۔
اجے دیوگن اور تمنا کیساتھ پریش راول اور مہیش منجریکر بھی فلم میں اہم کردارادا کررہے ہیں جبکہ جتندرا،اکشے کمار اور سوناکشی سنہا بحیثیت مہمان اداکار اس فلم کا حصہ بنے ہیں۔ساجد خان نے فلم کے تمام کلاسک گانوں کے حقوق حاصل کرتے ہوئے انہیں ماڈرن انداز میں تیار کیا ہے جسکے تحت نئے گانے”تاکی او تاکی”کی وڈیو منظرِ عام پر آئی ہے۔کشور کمار اور آشا بھوسلے کے گائے اس گیت کے ماڈرن ورژن کو میکا سنگھاور شریا گھوشال کی آواز میں ریکارڈ کیا گیا۔
جس میں اجے اور تمنا سری دیوی اور جتندرا کے روپ میں موجود ہیں جبکہ گانے سمیت فلم کی موسیقی ساجد واجد نے ترتیب دی ہے۔ایکشن اور رومانس سے بھرپور اس فلم کو واشو بھگنانی اور UTVموشن پکچرز نے مشترکہ طور پر پروڈیوس کیا ہے جو 29مارچ کو سینما گھروں کی زینت بنائی جائیگی۔
جان ابراہم فلاحی کاموں کیلئے اپنے کپڑے نیلام کرینگے
پریانکا چوپڑا آئٹم نمبرز کیلئے پرجوش
