ڈنگہ کی خبریں 08.03.2013
Posted on March 9, 2013 By Geo Urdu سٹی نیوز
ڈنگہ : سانحہ عباس ٹائون پر صدر آل پاکستان مسلم لیگ یو کے،معروف زمیندار چوہدری محمد اسلم وسن کا شدید احتجاج
ڈنگہ(محمد بلال احمد بٹ)صدر آل پاکستان مسلم لیگ یو کے،معروف زمیندار چوہدری محمد اسلم وسن نے اپنے ٹیلی فونک بیان میں سانحہ عباس ٹائون پر شدید احتجاج کرتے ہوئے کہا کہ یہ سانحہ کراچی کے امن پر طمانچہ ہے ایک انسان کا قتل پوری انسانیت کا قتل ہے انہوں نے کہاکہ آئے روز ہونے والی ٹارگٹ کلنگ،بم بلاسٹ،خود کش حملے اور سٹریٹ کرائم نے پاکستان کے امن کو تار تار کر کے رکھ دیا ہے موجودہ حکومت پاکستان میں امن کے قیام میں بری طرح ناکام ہو چکی ہے،فرقہ واریت نے ملک کو تباہی کے دہانے پر لا کھڑا کیا ہے ملک بھر میں شیعہ کمیونٹی کی ٹارگٹ کلنگ سمیت خود کش بم بلاسٹ خطرناک صورتحال کی عکاسی کرتے ہیں، انہوں نے کہاکہ حکومت کا بنیادی فرض ہے کہ وہ عوام کے جان و مال کا تحفظ کرے لیکن بدقسمتی سے موجودہ حکمرانوں نے عوام کو دہشت گردوں کے رحم و کرم پر چھوڑ دیا ہے ہم تمام اورسیز پاکستانی حکومت پاکستان سے اپیل کرتے ہیں کہ وہ ایسے اندوہناک اور گھنائونے کام کرنے والوں کو پکڑ کر کیفرکردار تک پنچائیں تاکہ پاکستانی عوام سکھ کا سانس لے سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری وحید اکرم آف ہالینڈ کی دس راست صدر پاکستان آصف علی زرداری چوہدری محمد نواز ٹوانہ سے ٹیلی فونک اظہار تعزیت
ڈنگہ(محمدبلال احمد بٹ)صدر مسلم لیگ ن ہالینڈ،چیئر مین پاک نیدر لینڈ فرینڈ شپ ایسوسی ایشن ،معروف زمیندار چوہدری وحید اکرم آف ہالینڈ نے ٹیلی فون پر دست راست صدر پاکستان آصف علی زرداری چوہدری محمد نواز ٹوانہ آف سرگودہا کے والد کی وفات پران سے اظہار رنج و الم کیا انہوں نے کہا کہ والدین عظیم سرمایہ ہیں اور ان کی کمی کبھی پوری نہیں ہو سکتی اور نہ ہی ان کا کوئی نعم البدل ہے۔انہوں نے چوہدری محمد نواز ٹوانہ آف سرگودہا کو یقین دلایا کہ غم کی ان گھڑیوں میں وہ ان کے ساتھ ہیں اور دعا کہ اللہ تعالیٰ مرحوم جنت الفردوس میں اعلیٰ مقام اور لواحقین کو صبروجمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حج پالیسی2013ء کو لاہور ہائی کورٹ میں چیلنج کر دیا گیا
ڈنگہ(محمد بلال احمد بٹ)حج پالیسی2013ء کو لاہور ہائی کورٹ میں چیلنج کر دیا گیا،درخواست گزار کا کہنا ہے کہ پالیسی آئین کے آرٹیکل 25کی خلاف ورزی ہے درخواست گزار کا کہنا ہے کہ پالیسی آئین کے آرٹیکل25کی خلاف ورزی ہے درخواست میں مزید موقف اختیار کیا گیا کہ وزارت مذہبی امور نے گذشتہ سال کی نسبت اس مرتبہ حج اخراجات میں چالیس فیصد اضافہ کر دیا ہے،جس کے باعث شہریوں کی بڑی تعدادمیں اس مرتبہ دینی فریضہ کی ادائیگی سے محروم رہ جائے گی لہذا حکم امتناعی جاری کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : محمد سعید جوڑا نہایت اچھے انسان اور تاجر تھے،مرز محمد افضل جنرل سیکرٹری موبائل فون ایسوسی ایشن ڈنگہ
ڈنگہ ( محمد بلال احمد بٹ ) جنرل سیکرٹری موبائل فون ایسوسی ایشن ڈنگہ مرزا محمد افضل نے کہا ہے کہ محمد سعید جوڑا نہایت اچھے انسان اور تاجر تھے ۔ ان کی ناگہانی وفات سے دلی دکھ ہوا ہے ۔ اللہ تعالیٰ انہیں جنت الفردوس میں جگہ عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ اور گردونواح میں غیر اعلانیہ طویل لوڈشیڈنگ کا سلسلہ بدستور جاری
ڈنگہ(محمد بلال احمد بٹ)ڈنگہ اور گردونواح میں غیر اعلانیہ طویل لوڈشیڈنگ کا سلسلہ بدستور جاری،شہریوں خصوصاً تاجران کو شدید مشکلات کا سامنا ہے جاتے جاتے حکومت عوام پر لوڈشیڈنگ کا عذاب مسلط کرتے ہوئے عوام دشمنی کا ثبوت دے رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : محمد سعید جوڑا ایک اچھے ہمسائے اور بہترین انسان تھے ان کی وفات دل غمزدہ ہے،میاں اختشام اللہ اسلم نیوز ایجنسی ڈنگہ
ڈنگہ (محمدبلال حمد بٹ) میاں احتشام اللہ اسلم نیوز ایجنسی والے نے اپنے بیان میں کہا ہے کہ محمد سعید جوڑا ایک اچھے ہمسائے اور بہترین انسان تھے ۔ ہنس مکھ اور ہر ایک سے ملنے والے انسان تھے ۔ ان کی ناگہانی وفات پر دلی دکھ ہوا ہے ۔ ان کی کمی مدتوں محسوس ہوتی رہے گی ۔ اللہ تعالیٰ پسماندگان کو صبر جمیل عطا کرے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :کھڑے ہو کر باتیں کرنے سے ذیابیطس ٹاپ ٹو کے خطرے کو ٹالا جاسکتا ہے،تحقیق
ڈنگہ(محمد بلال احمد بٹ)برطانیہ میں کی گئی حالیہ تحقیق سے ثابت ہوا ہے کہ کھڑے ہو کر باتیں کرنے سے ذیابیطس ٹاپ ٹو کے خطرے کو ٹالا جاسکتا ہے،روزانہ نوے منٹ بیٹھنے کے وقت میں کمی کر لیں تو ذیابیطس سے نجات مل سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حلقہ این اے106سے ابھی تک چوہدری قمر زمان کائرہ مضبوط ترین امیدوار ہیں
ڈنگہ(محمدبلال احمد بٹ)حلقہ این اے106سے ابھی تک چوہدری قمر زمان کائرہ مضبوط ترین امیدوار ہیں ،ٹو ٹوڈور ابطے مضبوط کرنے والا مقدر کا سکندر ہو گا،این اے106میں مسلم لیگ ن کے متوقع امیدواروں کی فہرست نے سیاسی ماحول کو گرما دیا ہے،جس سے تبصروں اور تجزیوں کا سلسلہ جاری ہو گیا ہے،حلقہ این اے106 میں برسراقتدار کائرہ خاندان کے روایتی اور مضبوط امیدوار سادات خاندان کے سپوت سید نور الحسن شاہ کے بجائے چوہدری جعفر اقبال کو ٹکٹ دیئے جانے کے امکانات سے سیاسی سوجھ بوجھ رکھنے والے لوگ میاں برادران اور انکے مشیروں بارے اچھی رائے کا اظہار نہیں کیا ہے،حلقہ این اے106 میں شامل دیہاتوں میں پیپلز پارٹی کی ن لیگ یا ق لیگ کا کوئی تصور موجودنہیں بلکہ ہر دیہات میں عموماً دو دھڑے میں ایک دھڑا سادات خاندان اور دوسرا دھڑا کائرہ خاندان کو سپوت کرنا ہے اس حلقہ کو گوجروں کا حلقہ کہا جاتا ہے لیکن سادات خاندان یہاں سے تین مرتبہ ایم این اے منتخب ہو چکے ہیں اور ہر بارواضح برتری سے کامیابی حاصل کی ہے ن لیگ کی قیادت نے ٹکٹوں کے لیے ایک ہفتہ کا ٹائم فریم دیا ہے ٹکٹوں کی تقسیم سے واضح ہو جائے گا کہ ن لیگ ضلعی سے کتنی سیٹیں لے سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : این اے106اور پی پی113کی سیاسی صورتحال میں دلچسپ اور حیرت انگیز تبدیلی،عوامی حلقوں میں بحث شروع
ڈنگہ(محمد بلال احمد بٹ)این اے106اور پی پی113کی سیاسی صورتحال میں دلچسپ اور حیرت انگیز تبدیلی،عوامی حلقوں میں بحث اور تبادلہ شروع الیکشن آفسز کیلئے ڈیرے بھی حاصل کر لئے گئے،میاں طارق محمود،چوہدری جعفر اقبال،سید نور الحسن،چوہدری نصر اقبال،میاں محمداکرم برنالی و دیگر ٹکٹوں کے لیے مسلم لیگ ن کے امیدوار ہیںجبکہ پیپلز پارٹی پی پی113کے لئے خالف رفیق متحرک ہیں،پی ٹی آئی کی طرف سے چوہدری شرافت ایڈووکیٹ،میاں اختر حیات،میاں افضل حیات،مسلم لیگ ق کی جانب سے چوہدری اعجاز احمد رنیاں الیکشن کمپین زور و شور سے چلا رہے ہیں، عوامی حلقوں میں بحث عروج پر مگر حتمی فیصلے تمام پارٹیوں کے سربراہان کے باقاعدہ اعلان کے بعد ہی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چیف ایڈیٹر نئے حقائق،معروف صحافی ڈاکٹر غلام مصطفی آذر کی صاحبزادی کی تقریب رخصتی10مارچ کو الحسین میرج ہال ڈنگہ میں ہو گی
ڈنگہ(محمدبلال احمد بٹ)چیف ایڈیٹر نئے حقائق،معروف صحافی ڈاکٹر غلام مصطفی آذر کی صاحبزادی کی تقریب رخصتی10مارچ کو الحسین میرج ہال ڈنگہ میں ہو گی جس میں سیاسی سماجی و مذہبی شخصیات کی شرکت متوقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میرے قائد محترم میاں محمد نواز شریف کا انتخابات کیلئے این اے106سے نامزد کرنا ہمارے لئے بہت بڑا اعزاز ہے،چوہدری جعفر اقبال
ڈنگہ(محمدبلال احمد بٹ)مسلم لیگ ن تحصیل کھاریاں کے صدر اور مسلم لیگ ن کے قائد میاں محمد نواز شریف،میاں محمد شہباز شریف کے جانثار دساتھی چوہدری جعفر اقبال نے کہا کہ میرے قائد محترم میاں محمد نواز شریف کا انتخابات کیلئے این اے106سے نامزد کرنا ہمارے لئے بہت بڑا اعزاز ہے جس پر مجھے فخر ہے اپنے اور عوام کے ہر دل عزیز راہنما اور قائد میاں محمد نواز شریف کے فرمان پر لبیک کہتے ہوئے قومی اسمبلی کا الیکشن لڑیں گیاللہ تعالیٰ کے فضل و کرم اوعوامی دعائوں سے اپنے قائدین میاں محمد نواز شریف میاں محمد شہباز شریف کی ولولہ انگیز قیادت میں قومی اسمبلی کا الیکشن جوش و جذبہ سے لڑیں گے اور انشاء اللہ بھاری اکثریت سے کامیابی حاصل کر یں گے،اپنی پارٹی گروپ دھڑے کی مکمل مشاورت سے حلقہ پی پی113سے میاں طارق محمود کے ساتھ اور پی پی112میں مسلم لیگ ن کے متفقہ امیدوار کے ساتھ انتخابی میدان میں اتریں گے اور انشاء اللہ مسلم لیگ ن کو بے مثال کامیابی سے ہمکنار کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اب عوام اس پارٹی کو ووٹ دیں گے،جوملک و قوم کے مسائل حل کرے گی،الحاج محمد اقبال منج
ڈنگہ(محمد بلال احمد بٹ)مشہور و معروف سیاسی سماجی شخصیت الحاج محمد اقبال منج نے کہا ہے کہ اب عوام اس پارٹی کو ووٹ دیں گے،جوملک و قوم کے مسائل حل کرے گی،موجودہ حکمرانوں نے عوام کو مایوس کیا اور عوام کو بحرانوں میں دھکیل دیا اشیاء خوردونوش کی قیمتیں آسمان سے باتیں کر رہی ہیں،عام آدمی کا گزارہ مشکل ہو گیا،بجلی بحران سے صنعتیں بند پڑی ہیں مزدور فاقہ کشی پر مجبور ہو گئے بجلی بحران کے باعث روزگار میں بھی اضافہ ہو چکا ہے جب کہ الیکشن کی آمد ہے ملکو قوم کو لوٹنے والے مداری اب پھر عوام کو بے وقف بنانے کے لیے سہانے خواب دکھائیں گے لیکن عوام ان دھوکے بازی کی باتوں پرنہ آئیں اور اس پارٹی کو ووٹ دیں جو ملک کے مسائل کا خاتمہ کر سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پانچ سالوں میں تخت لاہور کے علاوہ ن لیگ نے صوبہ پنجاب کے عوام کو نظر انداز رکھا سارا فنڈ لاہوری عوام لیپ ٹاپ جنگلہ بس اور تندوروں میں جھونکا،چوہدری رحمت علی آف چک پنڈی
ڈنگہ(محمد بلال احمد بٹ)ممتاز مسلم لیگی راہنما چوہدری رحمت علی آف چک پنڈی نے ایک تقریب میں خطاب کے دوران کیا کہ پانچ سالوں میں تخت لاہور کے علاوہ ن لیگ نے صوبہ پنجاب کے عوام کو نظر انداز رکھا سارا فنڈ لاہوری عوام لیپ ٹاپ جنگلہ بس اور تندوروں میں جھونکا اور پانچ سال پنجاب حکومت نے اخبار ی بیان بازی میں گزار دیئے اور ان اقدامات کو گڈگورننس کا نام دے ڈالا،انہوں نے کہا کہ پنجاب حکومت نے چوہدری برادران کے جاری ترقیاتی کام روک کر ثابت کر دیا کہ صوبہ پنجاب کے عوام کے خیر خواہ نہیں ہمیں فیصلہ کرنا ہو گا کہ چوہدری برادران کے ہاتھ مضبوط کرنے کے لیے چوہدری اعجاز احمد رنیاں کو کامیاب کروانے کے لیے کردار ادا کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈ نگہ : ملک بھر کی طرح ڈنگہ میں بھی موسم نے رنگ بدلنا شروع کر دیئے سردی کا زور ٹوٹ گیا بہار کی آمد آمدہے
ڈنگہ(محمد بلال احمد بٹ)ملک بھر کی طرح ڈنگہ میں بھی موسم نے رنگ بدلنا شروع کر دیئے سردی کا زور ٹوٹ گیا بہار کی آمد آمدہے خوشگوار موسم نے شہریوں کو گرم کپڑوں سے نجات دلا دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد سعید جوڑا کی ناگہانی موت سے دلی صدمہ پہنچا دل خون کے آنسو رورہا ،عہدیداران دی کریانہ اینڈمرچنٹس ایسوسی ایشن ڈنگہ
ڈنگہ(محمد بلال احمد بٹ)معروف تاجر محمد سعید جوڑا کی ناگہانی موت سے دلی صدمہ پہنچا دل خون کے آنسو رورہا ہے،ان خیالات کا اظہار ندیم اشرف سرپرست اعلیٰ دی کریانہ ایسوسی ایشن نے کیا انہوں نے کہا کہ ان کی وفات عظیم سانحہ ہے ،صدر دی کریانہ ایسوسی ایشن غلام مصطفی بھٹی نے کہا کہ محمد سعید جوڑا کی وفات سے میں ایک شفیق بھائی سے محروم ہو گیا ہوں،حاجی محمدصدیق مغل نائب صدر نے کہا کہ سعید جوڑا ایک اچھے انسان تھے انکی دی کریانہ ایسوسی ایشن کے لئے خدمات لائق تحسین تھیں،جنرل سیکرٹری دی کریانہ ایسوسی ایشن سہیل اشرف نے کہا کہ سعید جوڑا کی ناگہانی وفات سے پیدا ہونے والا خلاء کبھی بھی پورا نہیں ہو سکے گا ان کی وفات سے عظیم صدمہ پہنچا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: ابھی تک مسلم لیگ ن نے پنجاب بھر میں کسی بھی امیدوار کا ٹکٹ کنفرم نہیں کیاابھی صرف تجاویز اور مشاورت کا سلسلہ جاری ہے،سید فیض الحسن شاہ
ڈنگہ(نامہ نگار)سید فیض الحسن شاہ نے عوامی رابطہ آفس میں صحافیوں سے گفتگو کرتے ہوئے کہا کہ کہ ابھی تک مسلم لیگ ن نے پنجاب بھر میں کسی بھی امیدوار کا ٹکٹ کنفرم نہیں کیاابھی صرف تجاویز اور مشاورت کا سلسلہ جاری ہے،ہم نے این اے106کی ٹکٹ کے لئے درخواست جمع کروا دی ہے،اور الحمد اللہ ہمیں یقین ہے کہ این اے106کا ٹکٹ قیادت ہمیں دے گی۔انہوں نے کہا کہ بہت جلد کارکن اور مسلم لیگ ن کے ووٹروں کو اچھی خبر دیں گے۔اس موقع پر سیٹھ منیر احمد،چوہدری آفتاب احمد،محمد خان باہوانہ،چوہدری زمان احمد،چوہدری محمد اسلم،پیر آفتاب شاہ،رانا صاحب نواز،چوہدری صداقت،آصف مجید انجینئر،شیرا چوہان،سید اسرار شاہ،صنم شریف چوہان، چوہدری ساجد محمود،سید افضال شاہ،چوہدری بلال احمد،مرزا مقبول احمد،عابد فاروق گوندل موجود تھے انہوں نے سید منظور حسین شاہ گروپ کے ساتھ مرزا مرزا مقصود احمد سابق کونسلر محلہ بلہڑاں سے اہم ملاقات کی اس کے بعد عرفان کمبوہ جو کہ گذشتہ کیری ڈبہ اور موٹر سائیکل کے تصادم میں شدید زخمی ہو گئے ان کی عیادت کی جبکہ سعید جوڑا کی وفات پر ان کے اہل خانہ سے تعزیت اور فاتحہ خوانی کی۔بعد ازاں انہوں نے محمد اسلم،ملک محمد بوٹا،افضل گمٹی،چوہدری مختار احمد بھلیسرانوالہ،چوہدری امانت علی کمالہ،سید مشتاق علی شاہی، سید عابد شاہ گاکھڑا،چوہدری سجاد احمد گاکھڑا،چوہدری بشیر احمد،تجمل گجر سمیت دیگر افراد کے مسائل سنے اور ان کے حل کے لئے یقین دہانی کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈنگہ کے معروف اخبار فروش محمد اشرف بٹ کی صاحبزادی نصرت سلطانہ کو وزیراعلیٰ پنجاب کے اجالا پروگرام کے تحت سولر لیمپ دیا گیا
ڈنگہ(محمد بلال احمد بٹ)ڈنگہ کے معروف اخبار فروش محمد اشرف بٹ کی صاحبزادی نصرت سلطانہ کو وزیراعلیٰ پنجاب کے اجالا پروگرام کے تحت سولر لیمپ دیا گیا ،محمد اشرف بٹ اخبار فروش کی بیٹی نے ثابت کر دیا کہ تعلیم ہی اصل روشن ہے تعلیم کے بغیرانسان اندھیرے میں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : علم حاصل کرنا ہر مسلمان کا فرض ہے اوردنیا بھرمیں قرآن و حدیثاور دینی علوم سب سے اعلیٰ و ارفع علوم ہے،ڈاکٹر محمد اخلاق قادری،محمد محسن قادری
ڈنگہ(محمدبلال احمد بٹ)ممتاز ماہر معالج اور ماہر تعلیم علامہ ڈاکٹر محمد اخلاق قادری اور منتظم اعلیٰ پاسبان سکول ڈنگہ محمد محسن قادری نے سکول کی سالانہ تقریب تقسیم انعامات کی تقریب سے خطاب کرتے ہوئے کہا کہ علم حاصل کرنا ہر مسلمان کا فرض ہے اوردنیا بھرمیں قرآن و حدیثاور دینی علوم سب سے اعلیٰ و ارفع علوم ہے،علم حاصل کرنا ہر مسلمان پر فرض ہے جدید علوم کو سیکھنا فرض کفایا ہے جبکہ دینی علوم کی اہمیت اسلامی خطوط پرکرن ہے نوجوان نسل کی تعلیم و تربیت اسلامی خطوط کرنا ہے، تاکہ وہ ایک اچھے مسلمان انسان بن سکیں،ہم پاسبان سکول کی سالانہ تقریب تقسیم انعامات و نتائج کی تقریب میں مہمانان گرامی کے تہہ دل سے شکر گزار ہیں جنہوں نے تقریب میں شرکت کر کے ہمارا مان بڑھایا ہے ہم آپ کی محبتوں کو ہمیشہ یاد رکھیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ممتاز تاجر قاضی سمیع اللہ میاں عبدالغفار،مرزا محمد جہانگیر کی سرکردگی میںقاضی موٹرز اینڈ ٹائلز کے زیر اہتمام لکی انعامی موٹر سائیکل کی دوسری قرعہ اندازی کی پروقار رنگا رنگ تقریب کا انعقاد
ڈنگہ(محمدبلال احمد بٹ)ممتاز تاجر قاضی سمیع اللہ میاں عبدالغفار،مرزا محمد جہانگیر کی سرکردگی میںقاضی موٹرز اینڈ ٹائلز کے زیر اہتمام لکی انعامی موٹر سائیکل کی دوسری قرعہ اندازی کی پروقار رنگا رنگ تقریب کا انعقاد،تقریب کا آغاز تلاوت کلام پاک سے ہوا ،84سے زائد ممبران کمیٹی نے شرکت کی قاضی موٹرز اینڈ ٹائلز کی دوسری قرعہ اندازی ایک معصوم بچے نے اپنے دست مبارک سے کی اور قرعہ نوجوان خوش نصیب غضنفر شہباز الشباز برگروالے کے نام کا نکلا،شرکاء تقریب نے غضنفر شہباز کو نیا موٹر سائیکل 70CCملنے پر مبارکبا ددی،قاضی موٹرز کے ایم ڈی اور ممتاز تاجر قاضی سمیع اللہ ،مرزا محمد جہانگیر نے چوہدری شاہد ریاض کی سرکردگی میں دوسری قرعہ اندازی میں لکی موٹر سائیکل کے حقدار غضنفر شہباز کواپنے دست مبارک سے موٹر سائیکل کی چابی اور دستاویزات دیں قاضی سمیع اللہ،میاں عبدالغفار،مرزا محمد جہانگیرنے کہا کہ لکی انعامی موٹر سائیکل سکیم عام آدمی کو انتہائی ارزاں نرخوں پر موٹر سائیکل فراہم کرنے کیلئے شروع کی اور اللہ تعالیٰ کے خاص و فضل و کرم اور عوامی دعائوں سے سے صاف شفاف قرعہ اندازی کر کے خوش نصیب افراد کونئے موٹر سائیکل فراہم کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ کے خاص فضل و کرم اور عوامی دعائوں سے الائیڈ سکول ڈنگہ نے انتہائی قلیل عرصہ میں بے مثال کامیابیاں حاصل کیں ہیں،چوہدری شبیر احمد ڈائریکٹر الائیڈ سکول ڈنگہ
ڈنگہ(محمد بلال احمد بٹ)ڈائریکٹر ممتاز ماہر تعلیم حاجی چوہدری شبیر احمد نے کہا ہے کہ اللہ کے خاص فضل و کرم اور عوامی دعائوں سے الائیڈ سکول ڈنگہ نے انتہائی قلیل عرصہ میں بے مثال کامیابیاں حاصل کیں ہیں جس کا تمام تر کریڈٹ ہمارے ادارہ کے اعلیٰ تعلیم یافتہ باصلاحیت سٹاف کو جاتا ہے،جن کی شب و روز کاوشوں کی بدولت ہمیں یہ مقام مرتبہ ملا،ان خیالات کا اظہار انہوں نے تقریب سے خطاب کے دوران کیا،انہوں نے کہا کہ ہمارے ادارہ کے شاندار تعلیمی نتائج ہماری اعلیٰ کارکردگی کا منہ بولتا ثبوت ہے اور عملی ثبوت ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسعود عالم خاکسار امسال ماہ اکتوبر میں اپنی مدت ملازمت پورے کرتے ہوئے محکمہ تعلیم سے پانچ اکتوبر2013ء کو باعزت طور پر ریٹائر ہو جائیںگے
ڈنگہ(محمد بلال احمد بٹ)ممتاز ماہر تعلیم اور گورنمنٹ ایلیمنٹری سکول چک جانی کے سینئر ہیڈ ماسٹر مسعود عالم خاکسار امسال ماہ اکتوبر میں اپنی مدت ملازمت پورے کرتے ہوئے محکمہ تعلیم سے پانچ اکتوبر2013ء کو باعزت طور پر ریٹائر ہو جائیں گے،انکی ریٹائرمنٹ کے موقع پر اساتذہ برادری انکے اعزاز میں گرینڈ تقریب کا اہتما م کرے گی۔
۔۔
ڈنگہ: شہباز شریف بادشاہ سلامت ہیں،ان کے کسی وزیر مشیر کی جرات نہیں کہ ان سے کوئی پوچھ گچھ کر سکے،قمر زمان کائرہ
ڈنگہ(محمد بلال احمد بٹ)وفاقی وزیر اطلاعات و نشریات قمر زمان کائرہ نے کہا ہے کہ شہباز شریف بادشاہ سلامت ہیں،ان کے کسی وزیر مشیر کی جرات نہیں کہ ان سے کوئی پوچھ گچھ کر سکے،ٹرانسپرنسی انٹرنیشنل کاکردار مشکوک ہے وطن واپسی پر عدالتی اشتہاری پرویز مشرف کو عدالتوں کا سامنا کرنا پڑے گا،پیپلز پارٹی کی حکومت نے ملکی مفادپر کبھی سمجھوتہ نہیں کیا اور اس امر کی کبھی فکر نہیں کی کہ اس سے کون ناراض ہو گا،ہم نے ملک کے وسیع تر مفاد میں پاک ایران گیس پائپ لائن منصوبہ شروع کرنے جا رہے ہیں جن سے ملک میں بجلی کی لوڈشیڈنگ اور گیس کی لوڈشیڈنگ سمیت دیگر بہت سے دیگر مسائل نہ صرف حل ہونگے بلکہ ملک معاشی طور پر مضبوط مستحکم ہوگا،ایران کے ساتھ گیس پائپ لائن اور چین کے ساتھ گوادر پورٹ کے معاہدے پر پابندیاں عائد ہو سکتی ہے مگر اتحادیوں سے ملک کر ہم ان کا مقابلہ کریں گے،ہم نے اپنے پانچ سالہ دورمیں دور رس اقدامات اٹھائے ملک کو ٹوٹنے سے بچایا،95فیصد فیصلہ اتفاق رائے سے کئے،پارلیمنٹ سپریم ادارہ ہے،ماضی میں ایجنسیوں نے آئی جے آئی بنوائی جبکہ آج انتہا پسند بنوا رہے ہیں،ہم دیکھ رہے ہیں کہ طالبان کے ضمانتی ایک پلیٹ فارم پر اکٹھے ہو رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نا اہل حکمرانوں کی حکمرانی کے باعث عوام بھوک افلاس بے روزگاری اور مہنگائی سے دوچار ہو کر بلک رہے ہیں،میاں طارق محمود
ڈنگہ(محمد بلال احمد بٹ)ایم پی اے اور متوقع امیدوار صوبائی اسمبلی حلقہ پی پی113میاں طارق محمود نے کہا کہ نا اہل حکمرانوں کی حکمرانی کے باعث عوام بھوک افلاس بے روزگاری اور مہنگائی سے دوچار ہو کر بلک رہے ہیںعوامی امنگوں کے ترجمان میاں برادران کی ولولہ انگیز قیادت میں مسلم لیگ ن مقبولیت ترین جماعت بن چکی ہیملک بھر کے مہنگائی ے ستائے عوام میاں برادران کی طرف دیکھ رہے ہیں،یہی وجہ ہے کہ عالمی اداروں کے سروے نے بھی تصدیق کر دی ہے کہ مسلم لیگ ن کی مقبولیت میں تیز رفتاری سے اضافہ ہور ہا ہے،جو اقتدار پرست اتحادیوں کو ہضم نہیں ہو رہا،زرداری ٹولہ کی پانچ سالہ عیاشیوں کی سزا عوام کو بھگتنا پڑی ہے،عوام الیکشن میں ذات برادری اور رشتہ داریوں سے بالا تر ہو کر پاکستان کی آنے والی نسلوں کی خوشحالی اور ترقی کی خاطر مسلم لیگ ن کو بھاری اکثریت سے کامیاب کرائیں گے،نام نہاد انقلابیوں کے پاس قوم کے کسی مسئلے کا حل موجود نہیںخان اور قادری بیرونی اشاروں پر میاں محمد نواز شریف کے خلاف محاذ کھولے ہوئے ہیں،لیکن ان کی تمام تر سازشوں کے باوجود مسلم لیگ ن کی مقبولیت میں ریکارڈ اضافہ ہوتا چلا جار ہا ہے آنے والا دور مسلم لیگ ن کا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : شیخ خرم شہزادکی ہونہار صاحبزادی اور الفارابی سکول ڈنگہ کی ہونہار طالبہ رامین کرن خرم نے اپنی کلاس میں سکینڈ پوزیشن کے ساتھ کامیابی حاصل کی ہے
ڈنگہ(محمد بلال احمد بٹ)وان پٹھہ ایسوسی ایشن ڈنگہ کے صدر اور ممتاز تاجر شیخ خرم شہزادکی ہونہار صاحبزادی اور الفارابی سکول ڈنگہ کی ہونہار طالبہ رامین کرن خرم نے اپنی کلاس میں سکینڈ پوزیشن کے ساتھ کامیابی حاصل کی ہے جس پر انکے دوست احباب عزیز و اقارب نے ان کو مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : محمد سلطان رضوی کی علامہ صاحبزادہ محمد رضاء المصطفیٰ کی وفات پران کی روح ایصال ثواب کیلئے فاتحہ خوانی کی
ڈنگہ(محمد بلال احمد بٹ)انجمن طلباء اسلام جہلم سٹی کے فنانس سیکرٹری عمیر رضا اور نائب ناظم محمد سلطان رضوی کی علامہ صاحبزادہ محمد رضاء المصطفیٰ کی وفات پرانکی کی روح ایصال ثواب کیلئے قرآن خوانی اورفاتحہ خوانی کی اور دعا کی کہ اللہ کریم انہیں جنت الفردوس میں جگہ عطا فرمائے انکی وفات سے اہل اسلام ایک عظیم مبلغ سے محروم ہو گیا ہے اللہ تعالیٰ انکی مغفرت کرے اور انہوں نے کہا کہ علامہ صاحبزادہ محمد رضاء المصطفیٰ کیلانی کی دینی خدمات کو ہمیشہ یاد رکھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : علاقہ کے معروف ممتاز تعلیمی ادارے غزالی ماڈل ہائی سکول ڈنگہ کی سالانہ پروقار تقریب تقسیم انعامات و نتائج
ڈنگہ(محمد بلال احمد بٹ)علاقہ کے معروف ممتاز تعلیمی ادارے غزالی ماڈل ہائی سکول ڈنگہ کی سالانہ پروقار تقریب تقسیم انعامات و نتائج کی پروقار تقریب تیس مارچ بروز ہفتہ کو غزالی ہائی سکول ڈنگہ کیمپس میں منعقد ہو گی جس میں پرنسپل سالانہ نتائج اور پوزیشن ہولڈر طلباء کا اعلان کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : علاقہ کی ممتاز تعلیمی درسگاہ ایشین پبلک مادل سکول ڈنگہ کی سالانہ تقریب سولہ مارچ کو سکول میں منعقد ہو گی
ڈنگہ(محمد بلال احمد بٹ)علاقہ کی ممتاز تعلیمی درسگاہ ایشین پبلک مادل سکول ڈنگہ کی سالانہ تقریب سولہ مارچ کو سکول میں منعقد ہو گی جس میں پرنسپل سالانہ نتائج اور پویشن ہولڈر بچوں کااعلان کریں گے مہمانان گرمی بچوں میں انعامات تقسیم کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ملک عرفان موٹر سائیکل پر کھاریاں جا رہا تھا کہ نامعلوم افراد نے گن پوائنٹ پرہزاروں روپے نقدی لوٹ لی
ڈنگہ(محمد بلال احمد بٹ)جانی چک کا رہائشی نوجوان ملک عرفان موٹر سائیکل پر کھاریاں جا رہا تھا کہ نامعلوم افراد نے گن پوائنٹ پرہزاروں روپے نقدی موبائل فون اور موٹر سائیکل چھین لیا اور فرار ہو گئے ،پولیس مصروف تفتیش ہے۔
۔
کنجاہ :معمولی جھگڑے پر خاوند نے گلے میں پھندا ڈال کر اپنی بیوی کو موت کے گھاٹ اتار دیا
کنجاہ(محمد بلال احمد بٹ)معمولی جھگڑے پر خاوند نے گلے میں پھندا ڈال کر اپنی بیوی کو موت کے گھاٹ اتار دیا،بتایا جاتا ہے کہ گولیکی کے رہائشی افتخار احمد نے معمولی تلخ کلامی پر مبینہ طور پر اپنے ساتھی کے ہمراہ اپنی بیوی عظمی کے گلے میں رسی ڈال کر موت کے گھا ٹ اتار دیا پولیس نے نعش پوسٹ مارٹم کے بعد ورچاء کے حوالے کر دی ہے،مقتولہ دو بچوں کی ماں تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منظور آباد محلہ کا رہائشی نوجوان بلال اپنی ہلیہ کے ہمراہ موٹر سائیکل پر جا رہا تھا کہ راستے میں تیز رفتار ٹریکٹر ٹرالی نے انہیں ٹکر دے مار
منڈی بہائو الدین(محمدبلال احمد بٹ)منظور آباد محلہ کا رہائشی نوجوان بلال جس کی شادی کو چند ماہ ہوئے وہ اپنی ہلیہ کے ہمراہ موٹر سائیکل پر جا رہا تھا کہ راستے میں تیز رفتار ٹریکٹر ٹرالی نے انہیں ٹکر دے ماری جس کے نتیجہ میں اسکی اہلیہ زخموں کی تاب نہ لاتے ہوئے زندگی کی بازی ہار گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : باووثوق ذرائع کے مطابق صدر مملکت آصف علی زرداری تیرہ مارچ کو قوم سے خطاب کریں گے
ڈنگہ(محمد بلال احمد بٹ)باووثوق ذرائع کے مطابق صدر مملکت آصف علی زرداری تیرہ مارچ کو قوم سے خطاب کریں گے،امید کی جا رہی ہے کہ صدر زرداری اس روز نگران حکومت اور نگران وزیراعظم کا اعلان بھی کر سکتے ہیںجو انہیں قائد حزب اختلاف اور وزیراعظم راجہ پرویز اشرف کی مشاورت سے وزیر اعظم کے نام کا اعلان کریں گے تاکہ ملک میں جاری الیکشن کے سلسلہ میں جاری چہ میگوئیاں دم توڑ سکیں۔
۔
ڈنگہ :ضلع گجرات میں دو درجن سے زائد خواجہ سرائوں نے الیکشن کمیشن سے اپنے ووٹ بنوا لئے
ڈنگہ(محمدبلال احمد بٹ)ضلع گجرات میں دو درجن سے زائد خواجہ سرائوں نے الیکشن کمیشن سے اپنے ووٹ بنوا لئے،اس طرح پنجاب بھر میں خواجہ سرائوں کے کل ووٹرز کی تعداد458جبکہ ملک بھر میں665ووٹوں کا اندراج ہو چکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہم روز اول کی طرح ثابت قدمی کے ساتھ مسلم لیگ ن میں ہیں اور ہم نے اپنے قائدین میاں برادران کے ہر فیصلے پر سرتسلیم خم کیا ہے،چوہدری جعفر اقبال
ڈنگہ(محمد بلال احمد بٹ)مسلم لیگ ن تحصیل کھاریاں کے صدر اور حلقہ این اے106سے مسلم لیگ ن کے متوقع امیدوار چوہدری جعفر اقبال نے کہا کہ ہم روز اول کی طرح ثابت قدمی کے ساتھ مسلم لیگ ن میں ہیں اور ہم نے اپنے قائدین میاں نواز شریف اور میاں شہباز شریف کے ہر فیصلے پر سرتسلیم خم کیا ہے ہم مسلم لیگ ن چھوڑنے کا تصور بھی نہیں کر سکتے پارتی قیادت نے مجھے حلقہ این اے106سے الیکشن لڑنے کا حکم دیا ہے میاں نواز شریف کا ادنی سپاہی ہوں اور پارٹی قائدکی طرف سے جس سیٹ پر بھی الیکشن لڑنے کا حکم ملا اسے دل و جان سے تسلیم کرتے ہوے اپنا فرض اولین سمجھ کر ادا کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اجالا پروگرام کے تحت گورنمنٹ کالج برائے خواتین کی ساٹھ فیصد نمبر حاصل کرنے والی42طالبات کو حکومت کی طرف سے 42سولر لیمپ دینے کی پروقار تقریب منعقد ہوئی
ڈنگہ(محمد بلال احمد بٹ)وزیراعظم پنجاب میاں شہباز شریف کے اجالا پروگرام کے تحت گورنمنٹ کالج برائے خواتین کی ساٹھ فیصد نمبر حاصل کرنے والی42طالبات کو حکومت کی طرف سے 42سولر لیمپ دینے کی پروقار تقریب منعقد ہوئی جس میں پرنسپل میڈم مسرت زہرہ اور سٹاف و لیکچرز نے اپنے دست مبارک سے طالبات میں سولر لیمپ تقسیم کئے اور انہیں مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : علاقہ کی معروف تعلیمی درسگاہ اقراء سٹیزنز سکول ڈنگہ میں سالانہ تقسیم انعامات اور نتائج کی پروقار تقریب 18مارچ بروز سوموار کو سکول کے سبزہ زار میں منعقد ہو گی
ڈنگہ(محمد بلال احمد بٹ)علاقہ کی معروف تعلیمی درسگاہ اقراء سٹیزنز سکول ڈنگہ میں سالانہ تقسیم انعامات اور نتائج کی پروقار تقریب 18مارچ بروز سوموار کو سکول کے سبزہ زار میں منعقد ہو گی جس میں پرنسپل بچوں کے تعلیمی نتائج اور پوزیشن ہولڈر طلبہ و طالبات کے ناموں کا اعلان کریں گے جبکہ مہمانان گرامی پوزیشن ہولڈر بچوں میں انعامات تقسیم کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پی ٹی سی ایل کی نااہلی کی بدولت ڈنگہ شہر اور گردونوح کے علاقہ میں ڈی ایس ایل کی سروس انتہائی سلو
ڈنگہ(محمد بلال احمد بٹ)پی ٹی سی ایل کی نااہلی کی بدولت ڈنگہ شہر اور گردونوح کے علاقہ میں ڈی ایس ایل کی سروس انتہائی سلو سپیڈہونے کی وجہ سے نیٹ استعمال کرنے والے صارفین کو سخت مشکلات اور دشواری کا سامنا ہے،عوامی سماجی حلقوں نے اصلاح احوال کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ذہین طلبہ کی قدر و منزلت کرکے خادم اعلیٰ پنجاب میاں شہباز شریف نے طلبہ کے دل جیت لئے ہیں،رائے محمد نذیر عظیم کھرل
ڈنگہ(محمدبلال احمد بٹ)وزیراعلیٰ پنجاب میاں شہباز شریف کے اجالا پروگرام کے تحت ذہین طلبہ و طالبات میں سولر لیمپ کی تقسیم کے حوالہ سے گورنمنٹ ڈگری کالج ڈنگہ میں پرنسپل رائے محمد نذیر عظیم کھرل نے کالج کے سبزہ زار میں منعقدہ تقریب میں پروفسیرمحمدنواز و دیگر لیکچرارکی موجودگی میں کالج کے ہونہار طلبہ علی رضا،وقاص احمد،محمد عدنان،شعیب اعتراز کوا پنے دست مبارک سے سولر لیمپ دیتے ہوئے کہا کہ ذہین طلبہ کی قدر و منزلت کرکے خادم اعلیٰ پنجاب میاں شہباز شریف نے طلبہ کے دل جیت لئے ہیں انہوں نے کہا کہ سولر لیمپ اور لیپ ٹاپ کی تقسیم میاں شہباز شریف کی علم دوستی کا واضعح اور عملی ثبوت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عالمگیر شہرت کے حامل شعبہ تعلیم کے معتبر نام پنجاب گروپ آف کالجز کے زیلی ادارے الائیڈ سکول ڈنگہ کیمپس کی سالانہ پروقار رنگا رنگ تقریب انعامات و نتائج کا کامیاب انعقاد
ڈنگہ(محمد بلال احمد بٹ)عالمگیر شہرت کے حامل شعبہ تعلیم کے معتبر نام پنجاب گروپ آف کالجز کے زیلی ادارے الائیڈ سکول ڈنگہ کیمپس کی سالانہ پروقار رنگا رنگ تقریب انعامات و نتائج کا کامیاب انعقاد،ممتاز ماہرہ تعلیم مس ارم شہزادی یو ایس اے،سابق پرنسپل مس نائلہ شہزاد پروقار تقریب کی مہمان خاص تھیں،حاجی چوہدری بشیر احمد پرنسپل،محمد اسلم بھٹی بوائز کیمپس،پرنسل مس عائشہ ملک ،گرلز کیمپس ،وائس پرنسپل سرفراز احمد ور وائس پرنسپل مس رخسانہ نے مہمانان گرامی کا والہانہ اور پرتپاک استقبال کیا،جبکہ سکول کے ہونہار و طلبہ طالبات اور دیگر سٹاف نے خوبصورت انداز سے ویلکم کیا اور زبردست خوبصورت دلکش اور منفرد انداز سے پرفارم کرتے ہوئے ملی نغمے،ٹیبلو شو خاکے پیش کئے،پرنسپل مس عائشہ ملک نے سالانہ نتائج کا اعلان کیا،اور پوزیشن ہولڈرز کے نام پیش کئے،ڈائریکٹر حاجی بشیر احمد،چوہدری مسعود احمد،پرنسپل محمد اسلم بھٹی،مسز عائشہ ملک،مس ارم شہزادی،مس نائلہ شہزادی،وائس پرنسپل سرفراز احمد،وائس پرنسپل مس رخسانہ فی میل،مس عائشہ بتول
سمیت دیگر مہمانان گرامی نے اپنے دست مبارک سے پوزیشن ہولڈر طلبہ وطالبات میں انعامات تقسیم کئے ،پروقار تقریب میں عوامی سماجی سیاسی تجارتی شخصیات نے شرکت کی ،جن میں چوہدری مسعوداحمد،الائیڈ سکول کی مس ارم شہزادی،مس نائلہ شہزادی،حاجی صدیق مغل،چوہدری محمد حسین ٹوپہ،ٹھیکیدار شوکت علی،سہیل اشتیاق بٹ،محمد امین،محمد اصغر بٹ،صہیب اعظم ڈار دیگر شخصیات نے شرکت کی حاجی بشیر احمد نے شرکاء تقریب کے اعزاز میں خصوصی ضیافت کا اہتمام کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری شبیر احمد کی ولولہ انگیز قیادت میں الائیڈ سکول ڈنگہ کیمپس نے شاندار تعلیمی نتائج کے ساتھ بے مثال کامیابیاں حاصل کی ہیں،ممتاز ماہر تعلیم مس ارم شہزادی
ڈنگہ(محمد بلال احمد بٹ)ممتاز ماہر ہ تعلیم اور سابق پرنسپل مس ارم شہزادی نے کہا کہ انتہائی قلیل عرصہ میں حاجی چوہدری شبیر احمد کی ولولہ انگیز قیادت میں الائیڈ سکول ڈنگہ کیمپس نے شاندار تعلیمی نتائج کے ساتھ بے مثال کامیابیاں حاصل کی ہیں،2010ء میں معرض وجود میں آنے والا الائیڈ سکول ڈنگہ صرف تین برس کے عرصہ میں علاقہ بھر کا مثالی تعلیمی ادارہ بن گیا ہے،جس پر مجھے فخر ہے میں اس ادارہ کی پہلی پرنسپل تھیں،یہاں گزارے گئے لمحات ہماری زندگی کا قیمتی اثاثہ ہیں،الائیڈ سکول ڈنگہ کی روز بروز بڑھتی ہوئی تعداد اور شاندار تعلیمی نتائج انکی اعلیٰ کارکردگی کا عملی اور منہ بولتا ثبوت ہے،آج الائیڈ سکول کی سالانہ تقریب میں مدعو کرنے پر اپنے محسن اور مربی چوہدری شبیر احمد اور پرنسپل سٹاف کی تہہ دل سے شکرگزار ہوں مجھے الائیڈ سکول چھوڑتے ہوئے انتہائی دکھ ہوا تھا ہمیں اس ادارے جو پیار ومحبت ملا وہ ناقابل بیان ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الائیڈ سکول ڈنگہ میں ہونہارنونہالوں کی تعلیم و تربیت دین اور جدید علوم کے ساتھ کی جا رہی ہے،مس عائشہ ملک
ڈنگہ(محمد بلال احمد بٹ)پرنسپل مس عائشہ ملک نے کہا ہے الائیڈ سکول ڈنگہ میں ہونہارنونہالوں کی تعلیم و تربیت دین اور جدید علوم کے ساتھ کی جا رہی ہے ہمارے ادارے کے ڈائریکٹر و ممتاز ماہر تعلیم نے علاقہ کی تعلیمی ضروریات کو مدنظر رکھتے ہوئے علاقہ میں معیاری تعلیمی ادارہ الائیڈ سکول ڈنگہ قائم کر کے صحیح معنوں میں علم دوستی کا ثبوت دیا الحمد اللہ انکی سرکردگی میں ہمارا ادارہ بچوں کی جدید خطوط پر تعلیم وتربیت کرکے اپنی اہم ذمہ داری سرانجام دے رہا ہے،الائیڈ سکول ڈنگہ کاتمام نظام کمپیوٹرائز ہے اور سلیبس براہ راست ہیڈ آفس کے مطابق پڑھایا جاتا ہے دینی تعلیم ہمارے ادارے کی وجہ امتیاز ہے،ہم قوم کے نونہالوں کو قرآن و حدیث کے ساتھ جدید علوم پر بھی خصوصی توجہ دے کر بچوں کو اچھا انسان بنانے
کیلئے کوشاں ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : قوم کے نونہالوں کی اسلامی خطوط پر تعلیم و تربیت پاسبان سکول کا طرہ امتیاز ہے،پروفیسر محمد اسلم فریدی چشتی
ڈنگہ(محمد بلال احمد بٹ)ممتاز ماہر تعلیم اور پرنسپل پروفیسر علامہ محمد اسلم فریدی چشتی نے کہا ہے کہ قوم کے نونہالوں کی اسلامی خطوط پر تعلیم و تربیت پاسبان سکول کا طرہ امتیاز ہے،ہمارا ادارہ آج کی نئی نسل میں سے نئے اقبال اور نئے قائد تیار کر رہے ہیں جو نئے دور کے نئے چیلنجز کو مدنظر رکھتے ہوئے ملک و قوم کی خدمت کر سکیں،ہم قوم کے پاسبانوں کی پاسبانی کی مقدس ذمہ داری سنبھالنے کا عہد اور عزم کرتے ہیں،پاسبان سکول اقبال کے شاہینوں کی تعلیم و تربیت جدید اسلامی خطوط پر کرتے ہوئے انہیں معاشرہ کا سود مند شہری بنا رہ ہے،والدین اپنے پیارے بچوں کی تعلیم و تربیت کیلئے ادارہ سے رابطہ رکھ کر ان کے مستقبل کو روشن اور تابناک بنا سکتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پاسبان اسلامک سکینڈری سکول ڈنگہ بچوں میں توحید قرآن و سنت کی تعلیم سمیت عشق رسول اور حب الوطنی پیدا کر رہا ہے،چوہدری محمد اختر شاہد ساہی،پروفیسر تفاخر محمود گوندل
ڈنگہ(محمد بلال احمد بٹ)ممتاز ماہر تعلیم پروفیسر تفاخر محمود گوندل ایس ایس ٹی چوہدری محمد اختر شاہد ساہی نے پاسبان اسلامک سکینڈری سکول کی تقریب تقسیم انعامات سے خطاب کرتے ہوئے کہا کہ پاسبان اسلامک سکینڈری سکول ڈنگہ بچوں میں توحید قرآن و سنت کی تعلیم سمیت عشق رسول اور حب الوطنی پیدا کر رہا ہے،نجی تعلیمی اداروں میں خواتین درس و تدریس میں کارہائے نمایاں سر انجام دے رہے ہیں،بچوں کی پہلی تعلیم و تربیت ماں کی گود سے بہتر کہیں نہیں ہو سکتی،اس لئے مائیں بچوں پر خصوصی توجہ دیتے ہوئے انہیں دینی تعلیم دیں،بچوں میں اللہ کریم کی خالص توحید،قرآن پاک کی تعلیم،سمیت جذبہ عشق رسول اور جذبہ حب الوطنی پیدا کی جائے تو کوئی وجہ نہیں کہ نئی نسل نیا مضبوط پاکستان تعمیر نہ کر سکے،ہماری بقاء ہی دین اسلام میں مضمر ہے،پاسبان سکول کے ڈاکٹر علامہ محمد اخلاق قادری،محمد محسن قادری اور پرنسپل پروفیسر محمد اسلم فریدی نے سالانہ تقریب میں صاحبان علم کو ادارہ میں دعوت دے کر عظیم کارنامہ سر انجام دی اہے،پاسبان سکول تعلیم تجارت کیلئے خدمت خلق کے جذبے سے فراہم کر رہا ہے،تعلیم دینا پیشہ پیغمبری ہے جس پر عمل کر کے کامیابیاں حاصل کی جا سکتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غیرت کے نام پر بیٹی اور اسکے مبینہ آشنا کو ہتھوڑے مار مار کر اور درانتی کے پے درپے وار کر کے بے دردی سفاکی سے قتل کر دیا
منڈی بہائو الدین(محمد بلال احمد بٹ)غیرت کے نام پر بیٹی اور اسکے مبینہ آشنا کو ہتھوڑے مار مار کر اور درانتی کے پے درپے وار کر کے بے دردی سفاکی سے قتل کر دیا،بتایا جاتا ہے کہ نواحی گائوں کے محمدنواز کی بیٹی (ش بی بی)گھر میں موجود تھی گائوں کا نوجوان ابوبکر ملنے آیا تو محمد نواز بھی کھیتوں سے اچانک گھر آگیا اس نے دونوںکو مبینہ طور پر حالت غیر میں دیکھ کر اشتعال میں آگیا اور اس نے ہتھوڑے کے وار اور درانتی سے حملہ کر کے دونوں کو موت کے گھاٹ اتار دیا،پولیس نے قاتل کو آلہ قتل سمیت گرفتار کر لیا اور نعش ورثاء کے حوالے کر دی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : فنانس سیکرٹری دی کریانہ ایسوسی ایشن ڈنگہ محمد سعید جوڑا کے نماز جنازہ اورختم قل میں بھی علاقہ امڈ آیا
ڈنگہ (محمدبلال احمد بٹ ) فنانس سیکرٹری دی کریانہ ایسوسی ایشن ڈنگہ محمد سعید جوڑا کے نماز جنازہ اور ختم قل میں علاقہ امڈ آیا،دوست دھاریں مار مار کر روتے رہے جناز ہ اور ختم قل میں شرکت کرنے والوں میں میں سید فیض الحسن شاہ محمد شریف چشتی ‘ امجد بٹ ‘ محمد عارف ڈار ‘ محمد اعظم ڈار ‘ علی اسلم صراف ‘ حافظ کلیم اللہ عاربی ‘ ڈاکٹر خالد عاربی ‘ قیصر اسحاق مغل ‘ محمد اقبال منج ‘ قاری محمد رمضان ‘ قاری محمد یعقوب ‘ محمد ندیم قیصر ( سپین ) ‘ مرزا محمد ریاض ‘ ڈاکٹر پرویز اختر ‘ میاں ندیم خادم ‘ محمد نعیم بٹ ‘ چوہدری باؤ محمد افضل ‘ میاں غضنفر حسین ‘ ڈاکٹر گلزار وڑائچ ‘ محمد عارف قادری ‘ امجد بھٹہ ‘ ماجد عدالت بٹ ‘ محمد اعظم مغل ‘ عبدالرزاق آف کھٹانہ ‘ سہیل اشرف ‘ محمد اسلم صراف ‘ شکیل جٹ ‘ میاں امجد محمود’ چوہدری آفتاب احمد ‘ پیر آفتاب شاہ ‘ حاجی شاہد محمود بٹ ‘ حاجی فاضل بٹ ‘ مرزا محمد افضل ‘ حاجی محمد نواز ‘ ریاض بٹ ‘ ملک طارق ‘ چوہدری سفیان رستم ‘ عبدالحفیظ بھٹی ‘ مرزا شہباز بیگ ‘ مبین بسوی ‘ ملک یوسف ‘ شیخ جاوید نذیر ‘ اکرم گادھی ‘ ڈاکٹر سید ساجد حسین شاہ ‘ رانا قاسم ‘ مظہر نور ‘ خالد کولی ‘ اصغر کولی ‘ ملک ذوالفقار ‘ صہیب اعظم ڈار ‘ باؤ بٹ ‘ احسان پپو ‘ رانا اطہر رشید ‘ محمد شبیر بلہڑ ‘ غلام مصطفی بھٹی ‘ محمد افضل قادری ‘ ذوالفقار پرنس ‘ میاں ممتاز حسین ‘ شیخ عزیز اللہ ‘ میاں اسد ممتاز ‘ یونس ڈار ‘ امجد فاروق ڈار ‘ حاجی محمد حسین ٹوپہ ‘ شیخ رحمت اللہ ‘ میاں محمد اسلم نیوز ایجنسی ‘ محمد عارف باجوہ ‘ آصف جاوید چینل 9’ سیٹھ منیر احمد ‘ مرزا قاسم مقبول ‘ بابا فضل حسین ‘ میاں محمد اکرم دربار قلندریہ ‘ بشارت طاہر ‘ رجب چشتی ‘ میاں محمد اشرف ( صحافی ) ‘ طارق محمود قریشی ‘ آصف بلا ‘ میاں کامران ادریس ‘ محمد یونس ڈھنڈالہ ‘ سید واجد شاہ ‘ شیخ ضیاء الحق ‘ ظفر اقبال ڈار ‘ خان محمد نواز ‘ ملک نوید اعوان ‘ محمد اکرم پپو ‘ حکیم عبدالجبار ‘ مرزا ساجد محمود’ نثار مغل ‘ محمد ندیم قادری ‘ تنویر قادری ‘ شاہد محمود عباسی ‘ خالد بٹ سیکرٹری ‘ گلزار بھٹو ‘ شہروز علی ڈار ‘ حاجی فضل حسین مغل ‘ حاجی رزاق امرہ ‘ عابد صراف ‘ محمد نعیم ڈار ‘ ہمایوں اشرف ‘ عبدالستار مغل ‘ آصف شاہین ‘ ملک عامر ‘ یوسف بٹ ‘ محمد خان باہوانہ ‘ رانا صاحب نواز ‘ پرویز بسوی ‘ اسلم بسوی ‘ ماجد علی مدنی ‘ ڈاکٹر محمد مشتاق مغل ‘ حکیم محمد افضل رضا ‘ ڈاکٹر جمال ندیم عاربی ‘ شیخ رستم علی ‘ انصر کابلی ‘ شیخ طلعت ‘ شیخ احسان ‘ زاہد حنیف چوہدری ‘ شکیل منج ‘ میر حسن ‘ عبدالغفار مغل ‘ میاں اشرف فہد پلازہ ‘ طارق رحیم قریشی ‘ یاسر محمود ‘ سید عرفان علی شاہ ‘ صوفی خالد عطاری ‘ راجہ لیاقت علی ‘ محمد اختر بلدیہ ‘ پیر عبدالرحمن ہاشمی ‘ مسعود احمد اعوان ‘ شفنان عدیل ‘ ملک اعجاز حسین ‘شبیر ہاشمی ‘ تجمل مکڑ سمیت ہزاروں افراد نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تنظیم مغلیہ کے راہنما حاجی بشیر احمد سلطان طویل علالت کے بعد گزشتہ روز انتقال کر گئے،نماز جنازہ اور ختم قل میں سینکڑوں افراد کی شرکت
ڈنگہ (محمد بلال احمد بٹ ) تنظیم مغلیہ کے راہنما حاجی بشیر احمد سلطان طویل علالت کے بعد گزشتہ روز انتقال کر گئے ۔ وہ گزشتہ کچھ عرصہ سے برین ٹیومر کے مرض میں مبتلا تھے ۔ ان کی نماز جنازہ بلہڑاں والے قبرستان میں ادا کی جائے گی ۔ حاجی بشیر احمد سلطان ‘ محمد فیصل اور محمد آصف ( امریکہ ) ‘ محمد عدنان اور محمد قمر کے
والد تھے ۔ ان کی عمر تقریباً 60سال تھی ۔ ان کی نما زجنازہ اور ختم قل میں سیاسی سماجی علاقائی اور مختلف تنظیموں کے نمائندوں نے شرکت کی جبکہ تنظیم مغلیہ ڈنگہ و گجرات کا مرحوم وفات پر اظہار رنج و الم۔
