بھمبر کی خبریں 13.03.2013
Posted on March 13, 2013 By Geo Urdu سٹی نیوز
ضلع بھمبر آزادکشمیر کے ٹرانسپورٹران کا ایک اجلاس زیر صدارت چوہدری محمد یوسف منعقد ہوا
بھمبر(ڈسٹرکٹ رپورٹر)ضلع بھمبر آزادکشمیر کے ٹرانسپورٹران کا ایک اجلاس زیر صدارت چوہدری محمد یوسف منعقد ہوا جس میں ضلع بھمبر کے نمائندہ ٹرانسپورٹران نے شرکت کی اجلاس میں ٹرانسپورٹ سروس کے مسائل پر تفصیلی بحث کی گئی اور آزادکشمیر حکومت کی طرف سے موٹر وہیکل رولز میں کی گئی ترامیم پر بھی تفصیلی بحث کی گئی اور ترمیم کی رو سے روڈ ایکسیڈنٹ کی صورت میں ڈیتھ کلیم اور مضروبان حادثہ کا معاوضہ بذریعہ لینڈ انشورنس متعلقہ ڈپٹی کمشنر کی طرف سے ادائیگی کیے جانے اور انشورنس پریمیم کی وصولی بذریعہ لینڈ ریوینیو کمشنر ایکسائز وصولی قابل تحسین اقدام قرار دیا گیا ہے قبل ازیں معاوضہ کی ادائیگی کو آپریٹو سوسائٹی کی طرف سے صرف سولہ ہزار پہلے ڈیتھ کیس میں مخصوص لوگوں کو کی جاتی تھی اب حکومت آزادکشمیر کی طرف سے ڈپٹی کمشنر تین لاکھ پہلے اور مضروبان کو چوٹ کی نوعیت کے لحاظ سے کرینگے زخمی کو چھ ہزار سے لیکر دو لاکھ ستر ہزار روپے تک ادا کی جائے گی معاوضہ کی ادائیگی کے سلسلہ میں ٹرانسپورٹ کو آپریٹوسوسائٹی کیخلاف احتجاج کیاجا چکا ہے ہم ٹرانسپورٹران ضلع بھمبر وزیر اعظم آزادکشمیر ،وزیر ٹرانسپورٹ طاہر کھوکھر اور متعلقہ حکام کا اس اقدام پر شکریہ ادا کرتے ہوئے مطالبہ کرتے ہیں کہ پرانی ٹرانسپورٹ کوآپریٹوسوسائٹی کو سرٹیفکیٹ کے اجراء سے روکنے کے سلسلہ میںمناسب حکم جاری کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنرل پوسٹ آفس بھمبر کے ملازمین عوامی خدمت کے جذبے کے تحت کام کررہے ہیں
بھمبر(ڈسٹرکٹ رپورٹر)جنرل پوسٹ آفس بھمبر کے ملازمین عوامی خدمت کے جذبے کے تحت کام کررہے ہیں ملازمین کی محنت سے جنرل پوسٹ آفس بھمبر کے قیام کا مقصد پورا ہوتا دکھائی دیتا ہے عوام کو زیادہ سے زیادہ سہولیات فراہم کررہے ہیں بھمبر کے عوام بھی پوسٹ آفس کیساتھ تعاون کریں ان خیالات کااظہار پوسٹ ماسٹر جنرل آزادجموں وکشمیر ،گلگت بلتستان وفاقی دارالحکومت راجہ محمد منیر نے گزشتہ روز بھمبر میں جنرل پوسٹ آفس کے دورے کے دوران ملازمین اور میڈیا کے نمائندگان سے گفتگو کرتے ہوئے کیا انہوں نے بھمبر جی پی او کے سالانہ معائنہ کے سلسلہ میں پوسٹل سروسز ایکس پریس پوسٹ فیکس منی آرڈر اجراء ،ارجنٹ منی آرڈر اور ویسٹرن یونین کی ادائیگی میں اضافہ پر زور دیا اور تمام ملازمین کو سختی سے ہدایات جاری کی کہ وہ پوسٹ آفس کی آمدن میں اضافہ کریں فروختگی ڈاک ٹکٹ وصولی بل بجلی اور ٹیلی فون بلوں کی وصولی کے سلسلہ میں عوام کو ہر قسم کی سہولت مہیا کریں پینشنرز کی سہولت کیلئے فوری شیڈ اور بیٹھنے کیلئے بینچ لگانے اور ٹھنڈے پانی کیلئے فوری احکامات صادر فرمائے اس موقع پر راجہ محمد عارف سینئر پوسٹ ماسٹر بھمبر،تصدق حسین اسسٹنٹ سپرنٹنڈنٹ پوسٹ آفس بھمبر اور ماجد علی شاہ بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسکاؤنٹ کار آفر کمیٹی کی 12ویں قرعہ اندازی عزیز احمدکا کیری ڈبہ نکل آیا
بھمبر(ڈسٹرکٹ رپورٹر)ڈسکاؤنٹ کار آفر کمیٹی کی 12ویں قرعہ اندازی عزیز احمدکا کیری ڈبہ نکل آیا تفصیلات کیمطابق ڈسکاؤنٹ کار آفر کمیٹی کی 12ویں قرعہ اندازی گزشتہ روز مقامی ہوٹل میں منعقد ہوئی قرعہ اندازی میں درجنوں افراد کے نام کی پرچیاں ڈالی گئی تھی جن میں سے عزیز آف میرپور چوک کے نام کی پرچی نکل آئی تقریب کے مہمان خصوصی قاری صدیق احمد نے خوش نصیب کو کار کی چابی دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزاد کشمیر سکول ٹیچر آرگنائزیشن کے سابق مرکزی سیکر ٹری اطلاعات راجہ مشتاق احمد خان ،ضلعی چیئر مین ایکشن کمیٹی غلام غوث چوہدری ، نے فخر ضلع بھمبر راجہ امجد ارشاد خان سپر ٹنڈنٹ جیل خانہ جات آزادکشمیر کے انتقال پر گہرے رنج و غم کا اظہا ر
بھمبر( ڈسٹرکٹ رپورٹر)آزاد کشمیر سکول ٹیچر آرگنائزیشن کے سابق مرکزی سیکر ٹری
اطلاعات راجہ مشتاق احمد خان ،ضلعی چیئر مین ایکشن کمیٹی غلام غوث چوہدری ،پرنسپل پروفیسر ڈاکٹر راجہ عبدالرحمن خان ،آئی ٹی ایسوسی ایشن کے سیکر ٹری جنرل راجہ شعیب اعظم اورحافظ راجہ پرویز اختر خان نے فخر ضلع بھمبر راجہ امجد ارشاد خان سپر ٹنڈنٹ جیل خانہ جات آزادکشمیر کے انتقال پر گہرے رنج و غم کا اظہا ر کرتے ہوئے کہا ہے کہ دیانت دا راور فرض شناس آفیسر کی قوم وملک کے لیے خدمات کو ہمیشہ سنہری حروف میں لکھا جائے گا آفیسرموصوف قوم وملک کا عظیم سرمایہ تھے ان کی کمی سے پیدا ہونے والا خلا کبھی پو را نہ ہو گا ایسے لوگ صدیوں بعد پیدا ہوتے ہیں اساتزہ رہنمائوں نے اہل خاندان سوگواران سے اظہار تعزیت کی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر طارق محمود چوہدری انتہائی ایماندار فرض شناس اور باصلاحیت انتظامی آفیسر ہیں
بھمبر(ڈسٹرکٹ رپورٹر)DHOڈاکٹر طارق محمود چوہدری انتہائی ایماندار فرض شناس اور باصلاحیت انتظامی آفیسر ہیں انکی بھمبر تعیناتی سے محکمہ صحت کے اندر بہتری آئی ہے ان کیخلاف بیان بازی قابل مذمت ہے ان خیالات کااظہار پیپلزپارٹی کے مرکزی راہنما چوہدری محمد یونس آف بروٹی نے کیا انہوں نے کہاکہ DHOبھمبرنے اپنی صلاحیتوں کو بروئے کار لاتے ہوئے محکمہ صحت اور حکومت کی نیک نامی میں اضافے کا باعث ثابت ہو ئے ہیں موصوف نے محکمہ صحت کے نظام کے اندر بڑی حد تک تبدیلی اور تیزی لائی ہے انکی کاوشوں کی بدولت آج عام لوگوں کو بھی صحت کی سہولیات میسرہیں انکی کردار کشی اور ان کیخلاف بیان بازی قابل مذمت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیلی نار موبائل کمپنی کی ناقص موبائل سروس سگنل ڈراپ
بھمبر( ڈسٹرکٹ رپورٹر)ٹیلی نار موبائل کمپنی کی ناقص موبائل سروس سگنل ڈراپ
جبکہ کالز میں ٹیکنیکل خرابی کے باعث شہری شدید پریشانی کا شکار لوگوں کا لاکھوں کا نقصان شہریوں کا موبائل کمپنی کے اعلیٰ حکام سے نوٹس لینے کا مطالبہ تفصیلات کیمطابق بھمبرمیں ٹیلی نار موبائل کمپنی کی چند روز سے ناقص سروس جاری ہے موبائل سروس میں سگنل ڈراپس اور کالز کے مل جانے کے باعث بھی بات نہ ہونا معمول بن گیا ہے شہریوں کے ٹیلی نار فرنچائز میں شکایت کرنے کے باوجود بھی کوئی نوٹس نہیں لیا جا رہا موبائل سروس میں خرابی کے باعث ٹیلی نار موبائل سروس استعمال کرنے والے صارفین کا لاکھوں کا نقصان ہورہا ہے جبکہ خراب سروس کے باعث لوگوں کو دفاتر اور دیگر معاملات زندگی میں شدید مشکلات کا سامنا کرناپڑ رہا ہے بھمبر کے شہریوں نے مذکورہ موبائل کمپنی کی ناقص صورتحال پر شدید غم و غصہ کااظہار کرتے ہوئے ٹیلی نار موبائل کمپنی کے اعلیٰ حکام سے نوٹس لینے اور سروس کی بہتری ا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حبیب جالب مرحوم کی آواز معاشرے کے محروم طبقات کی ترجمانی تھی
بھمبر( ڈسٹرکٹ رپورٹر)حبیب جالب مرحوم کی آواز معاشرے کے محروم طبقات کی ترجمانی تھی انہوں نے مراعات یافتہ طبقہ کیخلاف آواز اٹھائی اور کھلے جھوٹ کو ذہنوں کی لوٹ کو تسلسل کیساتھ بے نقاب کیا ان خیالات کااظہار کشمیر فریڈم موومنٹ کے مرکزی صدر انجینئر خالدپرویز بٹ نے معروف انقلابی شاعر حبیب جالب مرحوم کی اکیسویں برسی کے موقع پر کارکنان موومنٹ سے گفتگو کرتے ہوئے کیا انہوں نے کہاکہ حبیب جالب ان لوگوں کی آس و امید کی نمائندہ آواز تھی جن کے حقوق چھین کر مراعات یافتہ طبقے اپنے عشرت کدے آباد کرتے تھے انہوں نے معاشرہ کے پسے ہوئے طبقوں کے غضب شدہ حقوق کی بازیابی کیلئے جدوجہد کی اس جنگ میں وہ عملی طور پر تنہا شریک رہے جس پر کاسہ لیس حکمرانوںاور فوجی آمروں نے نے انہیں تختہ مشق بنایا لیکن جالب نے اس خون آشام لوٹے کو تسلسل کیساتھ للکارا اور ہار نہیں مانی اور کئی سال قید و بند کی سزائیں اور خفیہ ایجنسیوں کے ہاتھوں ٹارچر ہونے کے باوجود بھی
حرف صداقت لکھنے سے باز نہ آئے حبیب جالب نے اپنی عوامی شاعی کے ذریعے مظلوم اور پسے ہوئے کروڑوں انسانوں کو سیاسی و سماجی شعور دینے کی بھرپور جدوجہد کی آج ہم انہیں انکی جدوجہد کو سلام پیش کرتے ہیں انکی انقلابی شاعری اور جدوجہد کشمیریوں کو بھی اپنے حقوق کیلئے لڑنے کا جذبہ دیتی ہے۔
جنرل پوسٹماسٹر آزاد کشمیر گلگت لمتستان اپنے دورہ کے دوران GPO ملازمین اور میڈیا نمائندگان سے گفتگو کرتے ہوئے
