تحریک تحفظ پاکستان نے پاکستان بچائو تحریک کے نام سے گرینڈ الائنس اور انتخابی نشان میزائل کی رجسٹریشن کیلیے درخواست الیکشن کمیشن آف پاکستان کو جمع کروادی
Posted on March 18, 2013 By Noman Webmaster سٹی نیوز
تحریک تحفظ پاکستان نے پاکستان بچائو تحریک کے نام سے گرینڈ الائنس اور انتخابی نشان میزائل کی رجسٹریشن کیلیے درخواست الیکشن کمیشن آف پاکستان کو جمع کروادی ہے تحریک تحفظ پاکستان کے مرکزی جوائنٹ سیکریٹری اطلاعات اور انچارج میڈیا سیل پنجاب روحیل اکبرمیڈیا سے گفتگو کرتے ہوئے بتایا کہ اس سوقت چیئرمین تحریک تحفظ پاکستان اورمحسن پاکستان ڈاکٹر عبدالقدیر خان کی سربراہی میں 20 سے زائد سیاسی اور مذہبی جماعتیں ملک بچانے کے لیے ایک پلیٹ فارم پر اکٹھی ہو چکی ہیں۔
جوآئندہ آنے والے الیکشن میں مل کرملک دشمن قوتوں کے خلاف صف آرا ہونگی اور اس الائنس کو پاکستان بچائو تحریک کے نام سے رجسٹرد کروانے کے لیے پارٹی کے سیکریٹری جنرل چوہدری خورشید زمان نے الیکشن کمیشن آف پاکستان کو درخواست دے دی ہے جبکہ پارٹی اور الائنس کے مشترکہ انتکابی نشان مزائل کی الاٹ منٹ کے لیے بھی درخواست الیکشن کمیشن آ ف پاکستان کو درخواست دے دی ہے انہوں نے مزید کہا کہ نگراں وزیر اعظم ایسا ہونا چاہیے جو انتخابات کروانے کے علاوہ معیشت کو بھی بہتر بنانے کی صلاحیت رکھتا ہو۔
جبکہ آئندہ انتخابات میں بننے والی حکومت کا ملکی مستقبل سے گہرا تعلق ہوگا عوام کو بھی ووٹ کا صحیح استعمال کرتے ہوئے بہترین نمائندے پارلیمنٹ میں بھیجنے چاہئیں کیونکہ اس وقت صنعتی بحران تشویش ناک حد تک بڑھ چکا ہے۔
توانائی کا بحران صنعتی یونٹس کی بندش ،ٹیکسوں اور ڈیوٹیوں کا بے تحاشا نفاذ اور حکومتی پالیسیوں میں عدم تسلسل سے معیشت کا پہیہ رکا ہوا ہے جسے چالو کرنے کیلئے ایک
با صلاحیت حکومت کی ضرورت ہوگی۔
