ممبئی(جیوڈیسک) بالی وڈ ہدایت کار جے پرکاش اپنی فلم مارکیٹ کا سیکوئیل بنانے کے لیے مہینوں سے منیشا کوئرالا کا انتظار کر رہے ہیں۔ فلم بومئے سے شہرت حاصل کرنے والی منیشا کوئرالا ان دنوں رحم کے کینسرکے علاج کے لیے نیویارک میں موجود ہیں۔
دسمبرمیں ان کاآپریشن کیا گیاتھا جس کے بعد سے وہ تیزی سے صحت یاب ہورہی ہیں۔ منیشاکے جولائی میں بھارت واپسی کے امکانات روشن ہیں۔ دل سے جیسی یادگار فلم کی ہیروئن نے دس سال پہلے فلم مارکیٹ میں مسکان بانو کا یادگار کردار ادا کیا تھا۔
ہدایت کارجے پرکاش کا کہنا ہے کہ منیشاکے واپس آتے ہی وہ مارکیٹ 2 کے سلسلے میں ان سے رابطہ کریں گے۔ جے پرکاش کہتے ہیں کہ منیشا ان کیلئے لکی ثابت ہوئی ہیں۔ وہ اس سے پہلے بھی مارکیٹ،چاہت اورایک نشا میں جے پرکاش کیساتھ کام کرچکی ہیں۔
بالی ووڈ ریمیک ہمت والا توقعات پر پورا اترنے میں ناکام
میڈونا بنیں دنیا کی پہلی ارب پتی گلو کا رہ
